Gujarati News

Gujarati News

News of Sunday, 24th June 2018

મિસ દિવા-યુનિવર્સ ઇન્ડિયા ૨૦૧૮નું શહેરમાં ઓડિશન

ઓડિશનના અંતે છ વિજેતા યુવતીઓની પસંદગી : વિજેતા યુવતીઓ મુંબઇ ખાતે મિસ યુનિવર્સના આગળના ઓડિશન માટે જશે, અમદાવાદની યુવતીનો પણ સમાવેશ

અમદાવાદ,તા.૨૪ : બુધ્ધિ, સંચાર કૌશલ્ય અને પરફેક્ટ બોડી સહિતના પરિમાણોના મિશ્રણ ધરાવતી યુવતીઓ માટેની મિસ દિવા-મિસ યુનિવર્સ ઇન્ડિયા-૨૦૧૮નું ઓડિશન આજે અમદાવાદ શહેરમાં યોજાયુ હતું. જેમાં નિષ્ણાત જજીસની પેનલ સમક્ષ રેમ્પ વોક સહિતના પરિમાણો પર ખરા ઉતર્યા બાદ આખરે છ વિજેતા સુંદર યુવતીઓની પંસદગી કરવામાં આવી હતી. આ વિજેતા યુવતીઓ હવે મુંબઇમાં મિસ યુનિવર્સ-૨૦૧૮ના આગળના ઓડિશન માટે જશે. વિજેતા યુવતીઓમાં અમદાવાદની નેહલ ચુડાસમા ઉપરાંત સીમરન કૌર, શિવાલી તોમર, રિયા રાવલ, અદિતી હુંડીયા અને ઐશ્વર્ય દેવનાનીનો સમાવેશ થાય છે. મિસ યુનિવર્સ-૨૦૧૮ની શોધ હવે શરૂ થઇ ગઇ છે. જેમાં યામાહા ફેસીનો મિસ દિવા-૨૦૧૮ સમગ્ર દેશમાંથી ઉમેદવારો(યુવતીઓ)ની પસંદગી થશે અને તે આખરે મિસ યુનિવર્સ-૨૦૧૮માં ભારતનું પ્રતિનિધિત્વ કરસે. અમદાવાદ સહિત લખનૌ, કોલકત્તા, ઇન્દોર, હૈદ્રાબાદ, પૂણે, બેંગ્લોર, ચંદીગઢ અને દિલ્હી સહિતના દસ શહેરોમાં આજથી ઓડિશન શરૂ થયું હતું. જેમાં આજે અમદાવાદમાં પંચવટી વિસ્તારમાં આવેલી રેડીશન બ્લુ ખાતે ઓડિશન યોજાયું હતું. યામાહા ફસિનો મિસ દિવા-૨૦૧૭ની સેકન્ડ રનર અપ, જાણીતી અભિનેત્રી દિક્ષા જોષી અને ફેશન ડિઝાઇનર નેન્સી લુહારુવાલા જજીસની પેનલમાં હતા અને તેમણે સ્પર્ધક યુવતીઓને પસંદ કરી તેમના સ્ક્રીનીંગ કર્યા હતા. સ્પર્ધક યુવતીઓને રેમ્પ વોક, પરફેકટ બોડી, સંચાર કૌશલ્ય સહિતના વિવિધ પરિમાણો પર તેમની કસોટી કરવામાં આવી હતી અને તેમાં સફળ થનાર છ સુંદર યુવતીઓની આખરે પસંદગી કરવામાં આવી હતી. મિસ દિવા-મિસ યુનિવર્સનું ઓડિશન મુંબઇમાં સમાપ્ત થશે. એ પછી ચાર શહેરોનો પ્રવાસ હશે જે આ વખતે સૌપ્રથમવાર રજૂ કરાયો છે. એ પછીનો તબક્કો ગોવા, દિલ્હી, ચેન્નાઇ અને મુંબઇમાં થીમેટીક બેઝ પર આધારિત હશે. તેમાંથી પસંદ થયેલી વિજેતા સ્પર્ધક યુવતીઓમાંથી કોઇ લકી ગર્લ મિસ યુનિવર્સ-૨૦૧૮માં ભારતનું પ્રતિનિધિત્વ રજૂ કરશે. ઉલ્લેખનીય છે કે, અગાઉ પેજન્ટે નેહા ધૂપિયા, ઉર્વશી રૌતેલા અને માનસી મોઘે આ સફળતા પામી ચૂકયા છે.

(9:17 pm IST)
  • તેલંગાણાના મુખ્યમંત્રી કે.ચંદ્રશેખર રાવે રવિવારે કહ્યું કે, તેઓ સમય પહેલા ચૂંટણીમાટે તૈયાર છે અને તેમણે વિપક્ષને પણ તે માટે તૈયાર રહેવાનો પડકાર ફેંક્યો હતો. તેલંગાણા રાષ્ટ્ર સમિતી (ટીઆરએસ)નાં પ્રમુખે કહ્યું કે, ચૂંટણી સમય પહેલા કરાવવામાં આવી શકે છે. રાવે 15 જુને વડાપ્રધાન મોદી સાથે મુલાકાત કરી હતી. રાવે કહ્યું કે, તેમની પાર્ટીનાં નેતા અને જનતા પણ સમય પહેલા ચૂંટણી માટે તૈયાર છે. તેમણે વિશ્વાસ વ્યક્ત કર્યો કે ટીઆરએસ 119 સભ્યોની વિધાનસભામાં 100થી વધારે સીટો જીતશે. access_time 12:44 am IST

  • રાજકોટમાં વિશ્વ યોગ દિને ચાલુ યોગ દરમિયાન મઝાક-મસ્તી કરતાં ગ્રામ રક્ષક દળના 16 જવાનોને સસ્પેન્ડ કરતાં ઇન્ચાર્જ પોલીસ વડા access_time 12:58 am IST

  • બિહારમાં લોકસભા ચુંટણી પૂર્વે ભાજપ અને નીતીશકુમાર(JDU) વચ્ચે ઘર્ષણ થયું શરુ : બિહારમાં આગામી લોકસભા માટે એનડીએની ભાગીદારીમાં સીટો વહેંચવા મુદ્દે વાતચીત હાલ ચાલુ નથી થઇ, પરંતુ જેડીયુએ મોલભાવ ચાલુ કરી દીધો છે. નિવેદનબાજી તમામ તરફથી જોરો પર ચાલી રહી છે. એનડીએમાં ભાજપ સહિત જેડીયુ, એલજેપી, આરએલએસપી પણ જોડાયેલી છે. સૌથી વધારે દરાર ભાજપ અને જેડીયુમા જોવા મળી રહી છે. જેડીયુએ 25 સીટો પર દાવો ઠોકીને વિવાદને હવા આપી છે. પ્રદેશનાં નેતા એકબીજાને દાવાઓ કાપી રહ્યા છે. access_time 12:44 am IST