Gujarati News

Gujarati News

News of Sunday, 24th June 2018

દાહોદમાં દાતણ કરતી મહિલા પર વીજળી પડતા મોત, પતિ દાઝી ગયો

દાહોદમાં દાતણ કરતી મહિલા પર વીજળી પડતા મોત, પતિ દાઝી ગયો

દાહોદઃ ઝાલોદ તાલુકાના ખરસોડા ગામમાં મહિલા પર વીજળી પડવાના કારણે તેનું મોત થયું છે, જ્યારે આ ઘટનામાં એક પુરુષ દાઝી જવાથી તેને સારવાર માટે ખસેડવામાં આવ્યો છે. રાજ્યમાં શનિવાર શરુ થયેલા કડાકા-ભડાકા સાથે વરસાદમાં મહિલા પર વીજળી પડવાની ઘટના બની હતી જેમાં મહિલા દાતણ કરી રહી હતી તે દરમિયાન તેના પર વીજળી પડવાની ઘટના બની હતી.

ઝાલોદના ખરસોડમાં કીર્તનભાઈ ડામોરના પત્ની કેમીલાબેન શનિવારે સાંજના સમયે ઘર આંગણે દાતણ કરી રહ્યા હતા એવામાં આકાશમાં વીજળીના કડાકા ભડાકા શરુ થઈ ગયા હતા આ દરમિયાન 22 વર્ષના કેમીલાબેન પર વીજળી પડતા તેમનું ઘટના સ્થળ પર જ મોત થઈ ગયું હતું. જ્યારે તેમના પતિ તેમની નજીકમાં હતા અને તેમને પણ વીજળી પડવાની અસર થતા તેઓ ગંભીર રીતે દાઝી ગયા છે.

વીજળી પડવાના કારણે દાઝી ગયેલા કેતનભાઈ ડામોરને તેમના પરિવારજનોએ 108 દ્વારા સારવાર માટે નજીકના હોસ્પિટલમાં ખસેડ્યા છે. બનાવની જાણ તથા પોલીસનો કાફલો ઘટના સ્થળ પર પહોંચી ગયો હતો અને કેમીલાબેનના મૃતદેહને પોસ્ટમોર્ટમ માટે લીમડીના પ્રાથમિક સારવાર કેન્દ્રમાં મોકલ્યો હતો.

અચાનક વીજળી પડવાની ઘટનાના કારણે 22 વર્ષીય મહિલાનું મોત થતા અને પતિ ગંભીર રીતે દાઝી જવાના કારણે પરિવારમાં શોકમય માહોલ પ્રસરી ગયો છે.

(5:42 pm IST)
  • રાજકોટમાં વિશ્વ યોગ દિને ચાલુ યોગ દરમિયાન મઝાક-મસ્તી કરતાં ગ્રામ રક્ષક દળના 16 જવાનોને સસ્પેન્ડ કરતાં ઇન્ચાર્જ પોલીસ વડા access_time 12:58 am IST

  • હવેથી જે વ્યાપારીઓ અનાજ અને કરિયાણામાં ભેળસેળ કરશે તેમના પર કડક કાર્યવાહી કરવામાં આવશે. આના માટે સરકાર પોતાના અખાદ્ય સુરક્ષા કાયદામાં મોટા બદલાવ કરવાની તૈયારી કરી રહી છે. આ કાયદા અનુસાર અનાજ-કરિયાણામાં ભેળસેળ કરનારા લોકો પર કાયદાનો સકંજો કસાશે. નવા કાયદા અનુસાર અનાજ-કરિયાણા-ખાણીપીણીની વસ્તુઓમાં ભેળસેળ કરનારાને આજીવન કેદ અને દસ લાખ રૂપિયાનો દંડ થઈ શકે છે. access_time 12:18 am IST

  • જસદણમાં કોળી સમાજનાં સમરસતા સંમેલનમાં કુંવરજી બાવળિયાએ સંબોધન કર્યું હતું. access_time 8:33 pm IST