Gujarati News

Gujarati News

News of Wednesday, 24th April 2019

વડોદરાના ગોત્રી વિસ્તારમાં વહીવટી ભૂલના કારણે મતદાનથી વંચિત રહેતા ડોક્ટરને ઘરે જઈને મતદાન કેન્દ્ર પર લઇ જઈ મતદાન કરાવ્યું

વડોદરા:શહેરના ગોત્રી વિસ્તારમાં રહેતા ડોક્ટરને વહીવટી ભુલના કારણે સ્ટાફે મતદાન નહી કરી શકે તેમ કહીને મતદાનથી વંચિત રાખ્યા હતા. જોકે  ડોક્ટરના પરિવારે કરેલી ઉગ્ર રજુઆતો મામલતદાર , સુધી પહોંચતા સ્ટાફે તપાસ કરી હતી જેમાં વહીવટી ભુલ હોવાની જાણ થતાં મતદાન કેન્દ્રના અધિકારી બપોરે ખુદ ડોક્ટરના ઘરે ગયા હતા અને તેમને મતદાન કરવા માટે ફરી કેન્દ્ર પર આવવા જાણ કરી હતી અને તેના પગલે ડોક્ટર પરિવારે ફરી બપોરે તડકામાં જઈને મતદાન કર્યું હતું.

શહેરના ગોત્રી વિસ્તારની શૈશવ કોલોનીમાં રહેતા ડો.અજય ગુપ્તે માર્ગ અકસ્માતમાં ઈજાગ્રસ્ત થયા હોઈ તે હાલમાં વ્હિલચેરના સહારે અવરજવર કરે છે. આજે સવારે નવ વાગે તેમના ૯૪ વર્ષના માતા ડો. ઉષાબેન ગુપ્તે અને પત્ની ડો.માધવીબેન સાથે ગોત્રી વિસ્તારના શૈશવ સ્કુલમાં વ્હિલચેર પર મતદાન કરવા માટે ગયા હતા.  જોકે મતદાન કેન્દ્ર પર જતા પોલીંગ બુથના સ્ટાફે ડો.અજયના નામમાં ઈલેકશન ડયુટી સર્ટીફિકેટનો  સિક્કો છે માટે તે મતદાન નહી કરી શકે તેમ જણાવતા ડોક્ટર પરિવાર તેઓની વાત સાંભળીને ચોંકી ઉઠયું હતું.

(5:57 pm IST)
  • આલેલે!!! : ટ્રમ્પના ફોલોઅર ઘટી ગયા!! : શ્રી નરેન્દ્રભાઈ મોદીનો ફોલોઅર સોશ્યલ મીડિયાના દરેક પ્લેટફોર્મ ઉપર રોકેટ ગતિએ વધી રહ્યા છે ત્યારે શ્રી ડોનાલ્ડ ટ્રમ્પના ટ્વીટર ઉપર ફોલોઅર ઘટી જતા ચિંતિત બનેલા ટ્રમ્પે ટ્વીટરના સીઈઓ જેક ડોરસેની મુલાકાત લઈ ચર્ચા કરી હતી access_time 3:59 pm IST

  • લોકસભા ચુંટણી ૨૦૧૯ : આજે સૌરાષ્ટ્ર-કચ્છમાં સૌથી ઓછુ મતદાન અમરેલીમાં અને સૌથી વધુ મતદાન રાજકોટમાં થયું છે : આખા રાજ્યમાં સૌથી ઓછુ મતદાન અમરેલીમાં અને સૌથી વધુ મતદાન વલસાડમાં થયું છે : ૨૦૧૪ની સરખામણીએ આ વખતે પણ આખા રાજ્યનાં વોટર ટર્નઆઉટની એવરેજમાં બહુ મોટો ફેર નથી પડ્યો - એટલે હવે એ જોવાનું રહ્યું કે ૪૫ લાખ નવા મતદાતાઓ કઈ દિશામાં લઈ જશે ગુજરાતની ૨૬ બેઠકોને access_time 10:44 pm IST

  • અધધધ....: જેટ એરવેઝ ઉપર ૯ ભારતીય બેન્કો અને ૨ વિદેશી બેન્કોનું અધધધ ૧૧,૨૬૧ કરોડનું દેવું : એસબીઆઇ : ૧૯૫૮ કરોડ : પંજાબ બેન્ક : ૧૭૪૬ કરોડઃ યસ બેન્ક ૮૬૯ કરોડ : આઇડીબીઆઇ ૭૫૨ કરોડ : કેનેરા બેન્ક ૫૪૫ કરોડ : બેન્ક ઓફ ઇન્ડિયા ૨૬૬ કરોડ : ઇન્ડિયન ઓવરસીઝ બેન્ક ૨૧૨ કરોડ અને સીન્ડીકેટ બેન્ક ૧૮૫ કરોડ : વિદેશી બેન્કો મસ્રેક બેન્ક ૧૪૦૦ કરોડ અને એસએસબીસી બેન્ક ૯૧૦ કરોડ access_time 4:02 pm IST