Gujarati News

રાજકોટઃ લોકસભાની ચૂંટણીમાં ગઇકાલે ર૬ બેઠકો માટે મતદાન થયેલ જેમાં ગુજરાતનું સરેરાશ મતદાન ૬૩.૬૭ ટકા જેટલું થયાનો પ્રાથમિક આંકડો સામે આવ્યો છે. ચૂંટણી ફરજ પર રોકાયેલા સરકારી કર્મચારીઓ અને લશ્કરના જવાનોએ અગાઉ પોસ્ટલ બેલેટથી કરેલા મતદાનનો તેમાં સમાવેશ થતો નથી. અગાઉનું મતદાન ઇવીએમના મતદાન સાથે ઉમેરાતા મતદાનનો આંકડો ૬૪ ટકાને પાર કરી જશે. ર લાખ જેટલા કર્મચારીઓએ મતદાનના દિવસ પુર્વે મતપત્રકથી મતદાન કર્યાનું જાણવા મળે છે. મત ગણતરી વખતે સૌ પ્રથમ પોસ્ટલ બેલેટ ગણવાની પરંપરા છે.