Gujarati News

Gujarati News

News of Tuesday, 24th April 2018

રિવરફ્રન્ટ પર પહેલી મેથી ભવ્ય કાર્યક્રમનું આયોજન

છઠ્ઠી મે સુધી ચાલનાર કાર્યક્રમમાં અનેક આકર્ષણઃ ઓપન એર મુવી શો, ગુજરાત, રાજસ્થાનના કલાકારોના ડાન્સ શો, ડાયરો સહિતના સાંસ્કૃતિક કાર્યક્રમો પણ હશે

અમદાવાદ, તા.૨૪ : સાબરમતી રિવરફ્રન્ટ ખાતે પહેલી મેથી ખાસ ઉત્સવનું આયોજન કરવામાં આવી રહ્યું છે. છ દિવસ સુધી ચાલનાર આ સામાજિક સાંસ્કૃતિક કાર્યક્રમનું આયોજન અમદાવાદ મ્યુનિસિપલ કોર્પોરેશન તરફથી કરવામાં આવ્યું છે. સાબરમતી રિવરફ્રન્ટ ઉત્સવ પહેલી મેથી શરૃ થયા બાદ છઠ્ઠી મે સુધી ચાલશે. આ અંગેની જાહેરાત મેયરે પોતે કરી છે. આ મહોત્સવમાં જુદા જુદા સાંસ્કૃતિક કાર્યક્રમો યોજાશે. અનેક કલાકારો ભાગ લેશે. હાસ્ય ડાયરો, ડાન્સ અને સંગીતના કાર્યક્રમો યોજાશે. આ મહોત્સવ દરમિયાન હેન્ડલુમ અને હેન્ડીક્રાફ્ટ માર્કેટનું આયોજન પણ કરવામાં આવશે. વધુ વિગતો આપતા મેયરે કહ્યું છે કે, રાજ્યના જુદા જુદા ભાગોમાંથી આવેલી જુદી જુદી કેરીઓની જાતિઓ પણ રજૂ કરવામાં આવશે.

રસપ્રદ બાબત એ છે કે, સાબરમતી રિવરફ્રન્ટ ખાતે યોજાનાર આ મહોત્સવ દરમિયાન જે મુખ્ય હાઈલાઇટ છે તેમાં આ વખતે બોટિંગ સ્પર્ધાનું આયોજન કરવામાં આવ્યું નથી. પાણીની કટોકટી પ્રવર્તી રહી છે ત્યારે રિવરફ્રન્ટ પર બોટિંગ સ્પર્ધાનું આયોજન કરવામાં આવી રહ્યું નથી. કેટલાક સાંસ્કૃતિક કાર્યક્રમો યોજવામાં આવશે જેમાં ગુજરાત અને રાજસ્થાનના કલાકારો ઉત્સાહપૂર્વક ભાગ લેશે. ઓપન એર મુવી સ્ક્રીનિંગ પણ યોજાશે. ઉપરાંત લાઇટ એન્ડ સાઉન્ડ શો યોજાશે. ઉપરાંત હેન્ડીક્રાફ્ટ અને હેન્ડલુમ માર્કેટ, ખાણી-પીણીના બજારો પણ રિવરફ્રન્ટ ઉત્સવના આકર્ષણ તરીકે રહેશે. બાળકો હાલ વેકેશન માણી રહ્યા છે ત્યારે આ સાંસ્કૃતિક કાર્યક્રમોમાં બાળકોને પણ મજા પડી જાય તેવી શક્યતા દેખાઈ રહી છે. સાબરમતી રિવરફ્રન્ટ ઉત્સવની તૈયારી જોરદારરીતે હાથ ધરવામાં આવી ચુકી છે.

(10:07 pm IST)
  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST

  • મહારાષ્ટ્રના ગઢચિરોલીમાં સુરક્ષા દળોએ વધુ 6 નક્સલવાદીઓને ફૂંકી માર્યા : અગાઉ રવિવારના રોજ કર્ણાસુર જંગલમાં સુરક્ષાદળોએ 16 નકસલવાદીઓને ઠાર કર્યા હતા : છેલ્લા 48 કલાકમાં, સુરક્ષા દળોએ 22 નક્સલવાદીઓને મારી નાખ્યા છે:સોમવારે અહારી તાલુકાના રાજારામ ખલ્લા ગામમાં છ માઓવાદીઓને પથ્થરોથી પથ્થરમારો કરવામાં આવ્યો હતો. access_time 1:23 am IST

  • ગુજરાતમાં પોતાના નેટવર્કમાં જબ્બર વધારો કરવા એરટેલ સાબદું:એરટેલે આજે ગુજરાતમાં તેના નેટવર્કના એકસપાન્સન માટે મેજર પ્લાન જાહેર કર્યા છે.: ગુજરાતમાં ૯ હજાર નવી સાઇટ અને ૨૦૦૦ કિ.મી.ની ફાઇબર ઓપ્ટિક લાઈન આ વર્ષમાં પાથરવામાં આવશે access_time 10:01 pm IST