Gujarati News

Gujarati News

News of Tuesday, 24th April 2018

લીમખેડાના માજી ધારાસભ્ય બીજલ ડામોર સામે ચેક રિટર્ન કેસમાં ધરપકડ વોરંટ ઇસ્યુ

ડામોર ધરપકડથી બચવા ગાંધીનગર જતા રહ્યાં :વોરન્ટ બજવણી ન થાય માટે મોબાઈલ બંધ કરી ગુપ્ત સ્થળે ગયા ?

અમદાવાદ :લીમખેડાના માજી ધારાસભ્ય બીજલભાઈ ડામોર સામે ધરપકડ વોરંટ ઇસ્યુ થયું છે ફાયનાન્સ કંપનીને આપેલ ચેક રીર્ટન કેસમાં તેઓની સામે વોરન્ટ ઇસ્યુ થયું છે
   મળતી વિગત મુજબ ગોધરા શહેરની બંસીધર લીજ એન્ડ ફાઇનાન્સ કંપનીમાંથી લીમખેડાના રહેવાસી અને માજી ધારાસભ્ય બીજલભાઇ વાલાભાઇ ડામોર તા. ૧૨--૧૮ના રોજ ફાઇનાન્સ કંપની પાસેથી ૩૫ લાખની લોન લીધી હતી. અને તે લોનની રકમની ઉઘરાણી ફાઇનાન્સ કંપની કરતા બીજલ ડામોરે ૩૫,૬૦,૦૦૦ના ચેક આપ્યા હતા. ચેકો ફાઇનાન્સ કંપની દ્વારા પોતાની બેંકમાં રજૂ કરતા ભારતીય સ્ટેટ બેંકે ચેકો લખનારની સહી અલગ હોવાનાં કારણો દર્શાવી ચેકો પરત ફર્યા હતા. જેથી ફાઇનાન્સ કંપનીએ બીજલ ડામોર સામે નેગો.ઇનસ.એકટની કલમ ૧૩૮ના ગુના બાબતની ફરીયાદ ગોધરા કોર્ટમાં દાખલ કરી હતી.

   કેસના સમન્સ મળવા છતાં બીજલ ડામોર કોર્ટમાં હાજર રહેતા હોવાથી કોર્ટે ફાઇનાન્સ કંપનીના વકીલ અશોક સામતાણીની રજૂઆતોને ધ્યાનમાં લઇને આરોપી બીજલ ડાોમરને કોર્ટમાં હાજર કરાવવા ધરપકડ વોરંટ કાઢેલ છે.

   ફાઇનાન્સ કંપનીના જણાવ્યા મુજબ આરોપી બીજલ ડામોર વોરંટથી ધરપકડથી બચવા લીમખેડાથી ગાંધીનગર જતા રહ્યા હતા. પરંતુ ફાઇનાન્સ કંપનીએ કોર્ટમાં આરોપી બીજલ ડામોર ગાંધીનગરના નવા સરનામે ધરપકડ વોરંટ કઢાવતા ગાંધીનગર પોલીસ દ્વારા આરોપીની ધરપકડ કરવા આરોપીના ઘરના સરનામે ગાંધીનગર ખાતે જતા આરોપી દ્વારા હાલમાં વોરંટની બજવણી થાય તે માટે પોતાનો મોબાઇલ બંધ કરીને કોઇ ગુપ્ત સ્થળે હોવાનું જાણવા મળેલ છે.

   બીજલભાઇ ડામોર માજી ધારાસભ્ય હોવાથી વર્ષ-૨૦૧૨માં મોરવા હડફ મત વિસ્તારમાંથી ચૂંટણી લડયા હોવાથી તેમની સામે ધરપકડ વોરંટ નીકળતા પંચમહાલ-દાહોદ જીલ્લાના રાજકારણમાં ગરમાવો વ્યાપી જવા પામ્યો છે.

 

(8:32 pm IST)
  • સુરત પાસે બે ડમ્પર વચ્ચે ચ્મ્ખ્વાર અકસ્માત : અકસ્માત થતા ડમ્પર વિઝ્દીના થાંભલા સાથે ભટકાતા, થાંભલો તૂટીને ડમ્પર પર પડ્યો : શોટસર્કીટ થતા ડમ્પર ભસ્મીભૂત થઈ ગયું access_time 8:44 pm IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST

  • રાજકોટ ના જયુબેલી પમ્પીંગ સ્ટેશન પાસે અચાનક ક્લોરીન ગેસ લીકેજ થયો : આસપાસનાં વિસ્તારના લોકોમાં મચી અફરાતફરી : ફાયરબ્રિગેડની તમે સ્થળ પર પહોચીને સ્થિતી પર કાબુ મેળવ્યો access_time 1:30 pm IST