Gujarati News

Gujarati News

News of Tuesday, 24th April 2018

વલસાડ હોટલમાં જમવા આવેલ ધરમપુરના પાંચ યુવાનની કારને અકસ્માત નડતા ચાલક ઘટનાસ્થળેજ મોતને ભેટ્યો

વલસાડ: હોટલમાં જમવા માટે આવેલા ધરમપુરના પાંચ યુવાનોની કારને ધરમપુર રોડ પર અકસ્માત નડયો હતો. રસ્તા પર લડતી ગાયને બચાવવા જતાં કાર બાજુએ લેવા ગયા અને નિલગીરીના વૃક્ષ સાથે અથડાઇ હતી. આ અકસ્માતમાં એક યુવાનનું ઘટના સ્થળે મોત નિપજ્યું હતુ. જ્યારે અન્યોને ઇજા થતાં સારવાર અર્થે હોસ્પિટલમાં લઇ જવાયા હતા.

ધરમપુરના બજાર ફળિયામાં રહેતા કિંજલ કિશોરભાઇ પટેલ (ઉ.વ.૩૭), અભિ સંજય પટેલ, તેજસ રાજેશભાઇ મસરાણી, જીનિયસ સુધીરભાઇ દેસાઇ અને માનવ મનિષભાઇ કોટક રવિવારે રાત્રે વલસાડની હોટલમાં જમવા માટે આવ્યા હતા. વલસાડમાં જમ્યા બાદ તેઓ અર્ટીગા કાર (નં. જીજે ૧૫ સીડી ૭૦૨૦)માં સવાર થઇ પરત થઇ રહ્યા હતા. ત્યારે ધરમપુર નજીક રસ્તા પર લડતી ગાયને બચાવવા માટે ચાલક કિંજલ પટેલે કાર બાજુએ લીધી હતી પણ પુરપાટ ઝડપે ચાલતી કારના સ્ટીંયરીંગ પર આ સમયે તેનો કાબુ ન રહેતાં કાર રોડની બાજુના નિલગીરીના વૃક્ષ સાથે ધડાકાભેર અથડાઇ હતી.

આ ગંભીર અકસ્માતમાં કિંજલ પટેલનું ગંભીર ઇજાના કારણે ઘટના સ્થળે જ મોત નિપજ્યું હતુ. જ્યારે અન્યોને નાની-મોટી ઇજા પહોંચતા પહેલાં ધરમપુર અને પછી જીનિયસ દેસાઇને વલસાડની હોસ્પિટલમાં વધુ સારવાર અર્થે ખસેડાયો હતો. આ બનાવ સંદર્ભે ધરમપુરના પ્રિયાંક ઇશ્વરભાઇ પટેલે પોલીસ મથકે ફરિયાદ નોંધાવી હતી.

(5:53 pm IST)
  • દિલ્હીનો ખૂંખાર માફિયા ઠાર : નવી દિલ્હી નજીક નોઇડા ખાતે ખૂંખાર માફિયા બલરાજ ભટ્ટી એસટીએફ સાથેનાં એન્કાઉન્ટરમાં ઠાર મરાયો છે access_time 9:59 pm IST

  • રાજકોટ આજીડેમમાંથી નારણ સોલંકી નામના શખ્શની લાશ મળી : ફાયરબ્રિગેડની ટીમે લાશને પાણીમાંથી બહાર કાઢી : પોલીસે તપાસ શરુ કરી access_time 11:53 am IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST