Gujarati News

Gujarati News

News of Tuesday, 24th April 2018

મહેમદાવાદમાંથી પોલીસે રિક્ષામાં બે પશુને કતલખાને લઇ જતા બચાવ્યા

મહેમદાવાદ:માં પસાર થતી રીક્ષામાંથી કતલખાને લઈ જવાતા બે પશુઓને બચાવાયા છે. પોલીસે આ ઘટનામાં રીક્ષા ચાલકની અટકાયત કરી છે. જ્યારે તેનો સાથી મિત્ર ઘટના સ્થળ ઉપરથી પલાયન થઈ ગયો છે. આ અંગે મહેમદાવાદ પોલીસે ગુનો નોંધી આગળની કાર્યવાહી હાથધરી છે.
શહેરના અમદાવાદ રોડ ઉપર આવેલ વાત્રક નદીના પુલ પાસેથી ગત્ સાંજના સમયે પસાર થતી રીક્ષા નં.જી.જે.૭ વી.વી.૧૫૯૬ને પોલીસે અટકાવી હતી. રીક્ષામાં તપાસ આદરતા ક્રૃરતા પૂર્વક બે વાછરડાઓ પાછળની સાઈડે બાંધ્યા હતા. આ અંગે પોલીસે રીક્ષા ચાલક ફીરોજ અબ્દર રહેમાન ભઠીયાર અન અન્ય એક ઈસમ જલાલુદ્દીન ફકરુદ્દીન મલેક (બન્ને રહે.દાઉદપુરા, તા.મહેમદાવાદ)ને પુછતાછ કરતા તેઓએ આ વાછરડાઓને કતલખાને લઈ જતા હોવાનું કબુલ્યું હતું. જ્યારે આ ઘટનામાં જલાલુદ્દીન મલેક ઘટના સ્થળ ઉપરથી ફરાર થઈ ગયો હતો.પોલીસે રીક્ષા સહિત મોબાઈલ ફોન અને અન્ય મુદ્દામાલ કબ્જે કરી ફીરોજ ભઠીયારાને કસ્ટડીમાં લઈ વધુ પુછપરછ આરંભી છે. સાથે સાથે કતલખાને લઈ જવાતા પશુઓને પાંજરા પોળમાં મોકલી આપી ફરાર થયેલા ઈસમને શોધવા ચક્રોગતિમાન કર્યા છે.આજે મોડી સાંજે ઝડપાયેલ આરોપી ફીરોજ ભઠીયારાને કોર્ટમાં રજૂ કરી પોલીસે રિમાન્ડ મેળવવા કાર્યવાહી હાથધરી છે.

(5:52 pm IST)
  • રાજકોટ ના જયુબેલી પમ્પીંગ સ્ટેશન પાસે અચાનક ક્લોરીન ગેસ લીકેજ થયો : આસપાસનાં વિસ્તારના લોકોમાં મચી અફરાતફરી : ફાયરબ્રિગેડની તમે સ્થળ પર પહોચીને સ્થિતી પર કાબુ મેળવ્યો access_time 1:30 pm IST

  • કેનેડાના ટોરોન્ટોમાં પગપાળા જતા લોકોને વાને હડફેટે લેતા 10 લોકો ઘાયલ : આ અકસ્માત ફિન્ચ એવન્યુની યૉંગ સ્ટેટમાં થયો હતો: આ ઘટનામાં ઘણાં લોકો ગંભીર રીતે ઘાયલ થયા છે: અકસ્માતને બપોરે 1:30 વાગ્યે થયો હતો : સ્થાનિક પોલીસએ અકસ્માતમાં ઘાયલ થયેલા કેટલા લોકોની પુષ્ટિ કરી નથી. access_time 1:19 am IST

  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST