Gujarati News

Gujarati News

News of Monday, 23rd April 2018

40 લાખની લોન લઇ સાતેજમાં છેતરપિંડી આચરનાર ફેકટરીના મલિક વિરુદ્ધ ગુનો દાખલ

સાંતેજ:માં ૪૦ લાખની લોન લઇ લોનની રકમ ભરપાઇ નહી કરી બેન્ક સાથે છેતરપીંડી આચરનાર ફેક્ટરી માલિક સામે ગુનો દાખલ થયો છે. સાંતેજ પોલીસે આરોપીની ધરપકડ માટે દોડધામ શરૂ કરી છે.

 

સેક્ટર--૧ સનસીટી બોપલમાં રહેતા તૃપ્તીબેન ચિરાગભાઇ ગાલીયાએ અગાઉ બેન્ક ઓફ ઇન્ડિયામાંથી ૧૫ લાખની લોન લીધી હતી. જે લોનના હપ્તા સમયસર ભરપાઇ કરી વિશ્વાસ કેળવી બેન્ક પાસેથી વધુ લોનની માંગણી કરી હતી.

૧૫ લાખની લોન લઇ ભરપાઇ કરી દેનાર તૃપ્તીબેનના વિશ્વાસમાં બેન્ક સત્તાવાળા આવી ગયા હતા અને વધુ ૪૦ લાખની લોન આપી હતી. ત્યારે ૪૦ લાખની લોન ભરપાઇ નહીં કરી મહીલાએ બેન્ક સાથે છેતરપીંડી આચરી હતી. ત્યારે મોટા ઉપાડે ૪૦ લાખની લોન આપનાર બેન્ક સત્તાવાળાઓએ પણ આ અંગે સાંતેજ પોલીસને જાણ કરી હતી. આ ઘટના અંગે લવલી અશોકકુમાર ખંડેલવાલની ફરિયાદને આધારે સાંતેજ પોલીસે આરોપી તૃપ્તીબેન ગાલીયા વિરૂદ્ધ ૪૦ લાખની લોન લઇ છેતરપીંડી અને વિશ્વાસઘાત કર્યો હોવાનો ગુનો દાખલ કર્યો છે.

આ ઘટનાની વધુ તપાસ પી.એસ.આઇ. વી.એ. શેખ ચલાવી રહ્યાં છે. ઉલ્લેખનીય છે કે બેન્કો પાસેથી લોન લઇ છેતરપીંડી આચરનારાઓની સંખ્યા વધી રહી છે. ત્યારે ઘણા કિસ્સાઓમાં બેન્કોનું અબજો રૂપિયાનું ફુલેકુ ફેરવી આરોપીઓ ફરાર થઇ જતા હોવાથી નીતનવા કૌભાંડો બહાર આવી રહ્યાં છે. તેમજ લોન લઇ ભરપાઇ નહી કરનારાઓ સામે પણ બેન્ક સત્તાવાળાઓ ફરિયાદ દાખલ કરાવી રહ્યાં છે.

(6:09 pm IST)
  • રાજકોટ ના જયુબેલી પમ્પીંગ સ્ટેશન પાસે અચાનક ક્લોરીન ગેસ લીકેજ થયો : આસપાસનાં વિસ્તારના લોકોમાં મચી અફરાતફરી : ફાયરબ્રિગેડની તમે સ્થળ પર પહોચીને સ્થિતી પર કાબુ મેળવ્યો access_time 1:30 pm IST

  • ગુજરાતમાં પોતાના નેટવર્કમાં જબ્બર વધારો કરવા એરટેલ સાબદું:એરટેલે આજે ગુજરાતમાં તેના નેટવર્કના એકસપાન્સન માટે મેજર પ્લાન જાહેર કર્યા છે.: ગુજરાતમાં ૯ હજાર નવી સાઇટ અને ૨૦૦૦ કિ.મી.ની ફાઇબર ઓપ્ટિક લાઈન આ વર્ષમાં પાથરવામાં આવશે access_time 10:01 pm IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST