Gujarati News

Gujarati News

News of Monday, 23rd April 2018

મસાની બીમારીથી કંટાળી સુરતના યુવાન સહીત બે લોકોએ જીવન ટૂંકાવ્યું

સુરત: શહેરમાં મસાની બિમારીથી કંટાળી પુણાના યુવાને અને નાના વરાછામાં સંબંધીને ત્યાં આવેલા યુવાને ભેદી સંજોગોમાં આત્મહત્યા કરી લીધી હતી. સ્મીમેર હોસ્પિટલથી મળેલી વિગત મુજબ પુણારોડ ડુંભાલ ટ્રાન્સપોર્ટ પાસે સુભાષનગરમાં રહેતો ૧૯ વર્ષીય રતનલાલજી ધરમચંદ કલાલ ગઇકાલે બપોરે ઘરમાં પંખા સાથે ચાદર બાંધી ગળે ફાંસો ખાઇ લીધો હતો. પોલીસ સૂત્રો પાસેથી મળેલી વિગત મુજબ રતનલાલજી મૂળ રાજસ્થાનના રાજસમદનો વતની હતો. તે છેલ્લા કેટલાંક સમયથી મસાની બિમારીથી પીડાતો હતો. તેથી કંટાળી આ પગલું ભર્યું હતું. તે ઘર પાસે અનાજ દળવાની ઘંટી ચલાવતો હતો. તેની બાજુમાં તેના પિતા કરિયાણાની દુકાન ચલાવે છે. તેનો ૧ ભાઇ અને ૩ બહેન છે. આ અંગે પૂણા પોલીસે તપાસ હાથ ધરી છે. બીજા બનાવમાં નાનાવરાછા ખાતે સાંઇકૃપા સોસાયટીમાં રહેતો ૨૦ વર્ષીય પારસ વીનુભાઇ ઇટાલીયા તા. ૨૦મીની રાત્રે સીમાડાનાકા અમીદીપ હોન્ડા શોરૂમ પાસે ભેદી સંજોગોમાં ઝેરી દવા પી જતાં સારવાર માટે ખાનગી હોસ્પિટલમાં દાખલ કર્યો હતો. જ્યાં ગત સાંજે તે મોતે ભેટયો હતો. પારસ મૂળ ભાવનગરનો વતની હતો. તે ૩ માસ અગાઉ વતનથી સુરત આવીને સંબંધીના ઘરે રહેતો હતો, તે રત્નકલાકાર તરીકે કામ કરતો હતો. આ અંગે કાપોદ્રા પોલીસે તપાસ હાથ ધરી છે.

 

 

(6:08 pm IST)
  • અમેરિકા - ટેનેસીનાં નેશવીલમાં એક વેફલ હાઉસમાં રવિવવારે થયેલ ભયંકર ગોળીબાર કરનાર કથિત નગ્ન હુમલાખોર, ૨૯ વર્ષીય ટ્રાવીસ રેનકિંગને પોલીસે દબોચી લીધો : ગઈકાલની દુર્ભાગ્યપૂર્ણ ઘટનામાં કુલ ૪ લોકો માર્યા ગયા હતા અને ૪ ઘાયલ થયા હતા : મેટ્રો નેશવીલ પોલીસ ડીપાર્ટમેન્ટે હુમલાખોરની ધરપકડ થયાનું જણાવ્યું હતું access_time 12:02 am IST

  • દેવભૂમિ દ્વારકાના મીઠાપુરમાં ચાર વર્ષ પહેલા માતા અને તેની બન્ને પુત્રીઓની હત્યામાં, ત્રીપલ મર્ડરના કેસમાં ખંભાળિયા કોર્ટે આરોપી રામજાન ઉર્ફે મનન આમદ સોઢાંને આજીવન કારાવાસની સજા સંભળાવી છે. access_time 8:43 pm IST

  • ગુજરાતમાં પોતાના નેટવર્કમાં જબ્બર વધારો કરવા એરટેલ સાબદું:એરટેલે આજે ગુજરાતમાં તેના નેટવર્કના એકસપાન્સન માટે મેજર પ્લાન જાહેર કર્યા છે.: ગુજરાતમાં ૯ હજાર નવી સાઇટ અને ૨૦૦૦ કિ.મી.ની ફાઇબર ઓપ્ટિક લાઈન આ વર્ષમાં પાથરવામાં આવશે access_time 10:01 pm IST