Gujarati News

અમદાવાદઃ લૂંટેરી દુલ્હનનો વધુ એક કિસ્સો સામે આવ્યો છે. જેમાં મહિલા સહિત 3 લોકો સામે ફરિયાદ નોંધાવવામાં આવી છે.

ઘટનાની વિગત અનુસાર અમદાવાદના એક યુવકે આ યુવતી સાથે વર્ષ 2017માં લગ્ન કર્યા હતા. મહત્વનું છે કે આ યુવકની પહેલી પત્નીનું મૃત્યુ એક વર્ષ પહેલા થયું હતું. જેથી તેને બીજા લગ્ન વર્ષ 2017માં આ યુવતી સાથે કર્યા હતા.

મહત્વનું છે કે આ યુવક યુવતીએ લગ્ન કર્યા બાદ એક ફ્લેટ ખરીદ્યો હતો. પરંતુ યુવકે આ ફ્લેટ રાજકોટની રહેવાસી મંજૂલા ઉર્ફે મિતાના નામે ન કરતા તે ફરાર થઈ ગઈ હતી. અને બાદમાં સપના નામની એક યુવતી આ યુવકને ફોન કરીને રૂપિયાની માંગણી કરી હતી. અને આ યુવતી માનવ અધિકાર પંચની ઓળખાણ આપી હતી. તો આ સાથે જ વિપુલ નામના શખ્સે એડવોકેટ તરીકેની ઓળખ આપી ધમકી આપી રહ્યો હતો.

જેથી આ યુવકે કંટાળીને આ લૂંટેરી દુલ્હન સહિત 3 લોકો વિરૂદ્ધ સોલા પોલીસ સ્ટેશનમાં ફરિયાદ નોંધાવી હતી. હાલ તો આ સમગ્ર મામલે સોલા પોલીસ લૂંટેરી દુલ્હન મંજૂલા ઉર્ફે મિતાની અને તેના સાથીદારોની શોધ કરી રહી છે. અને તપાસ કરી રહી છે.