Gujarati News

Gujarati News

News of Wednesday, 24th February 2021

બાવળા- બગોદરા હાઈવે પર આંગડિયા પેઢીના કર્મચારીઓ પાસેથી ચાર કરોડના સોનાની લૂંટ

બસ રોકીને આવકવેરા અધિકારી તરીકે ઓળખ આપી લૂંટ ચલાવી ફરાર : જીપીએસ ટ્રેકર અને થેલો કોઠ પોલીસ સ્ટેશન વિસ્તારમાંથી મળ્યા : આરોપીને શોધવા પોલીસે અલગ અલગ 4 ટીમો બનાવી

બાવળા-બગોદરા હાઈવે પર પર આંગડિયા પેઢીના કર્મચારીઓ પાસેથી ચાર કરોડના સોનાની લૂંટ ચલાવવામાં આવી. આરોપીઓએ આવકવેરા વિભાગના અધિકારી હોવાનું જણાવી ચલાવી હતી લુંટ. બગોદરા પોલીસે ગુનો નોંધી અપહરણ અને લૂંટના ગુના ફરાર આરોપીને ઝડપી લેવા કવાયત હાથ ધરી છે

અમદાવાદની આંગડિયા પેઢીના કર્મચારીઓ સાથે લૂંટની ઘટના સામે આવી છે..જેમાં મુંબઇ અને સુરતથી આવેલા સોનાના દાગીના અને બિસ્કીટ લઈને રાજકોટ જઈ રહેલા આંગડિયા પેઢીના બે કર્મચારીઓને લૂંટી લેવામાં આવ્યા છે.

સવારે સાત વાગ્યાના અરસામાં અમદાવાદથી કપડવંજ-રાજકોટ એસટી બસમા આંગડિયાના પાર્સલ લઈને જતા બે કર્મચારીઓને બાવળા બગોદરા હાઈવે ઉપર પર લુંટી લેવામા આવ્યા છે.. ખાનગી એસયુવી ગાડીમા આવેલા 6 આરોપી વિરુધ્ધ બગોદરા પોલીસે કાવતરુ. અપહરણ. લુંટ અને ખોટી ઓળખ આપવા સહીતના કલમો હેઠળ ગુનો નોંધી વધુ તપાસ હાથ ધરી છે.

સવારે 9 વાગે જ્યારે બસ બગોદરા ડેપોમા પહોચે તે પહેલા ખાનગી ગાડીમા આવેલા 6 આરોપીએ બસને રોકી પોતાની આવકવેરા વિભાગના અધિકારી તરીકે ઓળખ આપી પટેલ રાજેશ અને પરમાર ચીનાજીને બસમાથી ઉતારી તેમની પાસે રહેલા આશરે 4 કરોડના સોનાની લુંટ ચલાવી હતી.. સોનુ પડાવી લીધા બાદ આંગડીયાના કર્મીઓને ખેડામાં ખાનગી કંપની પાસે ખેતરમા બાધી આરોપી ફરાર થઈ ગયા છે. પોલીસ તપાસ કરતા જીપીએસ ટ્રેકર અને થેલો કોઠ પોલીસ સ્ટેશન વિસ્તારમાંથી મળી આવ્યો છે… જેથી આરોપીને શોધવા પોલીસે અલગ અલગ 4 ટીમો બનાવી તપાસ હાથ ધરી છે.

(11:11 pm IST)
  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST

  • દેશમાં કોરોનાના સતત વધતા કેસ :રાત્રે 11 વાગ્યા સુધીમાં કોરોનાના નવા 16,886 કેસ નોંધાયા :કુલ કેસની સંખ્યા 1,10,46,432 થઇ :એક્ટિવ કેસ 1,48,691 થયા: વધુ 11,976 દર્દીઓ સ્વસ્થ થતા કુલ 1,07,36,432 થયા :વધુ 141 લોકોના મોત સાથે કુલ મૃત્યુઆંક 1,56, 742 થયા access_time 1:09 am IST

  • પ્રયાગરાજમાં પ્રદર્શન કરતા વિદ્યાર્થીઓને પોલીસે દોડાવી -દોડાવીને માર્યા : ધરણા સ્થળ છાવણીમાં તબદીલ :એકાદ ડઝન છાત્રોની અટકાયત :નોકરીની માંગ કરતા વિદ્યાર્થીઓને પોલીસે માર્યા :ખાલી પડેલા સેંકડો પદોપર ભરતીની માંગ સાથે વિધાર્થીઓ રસ્તા પર ઉતર્યા access_time 12:37 am IST