Gujarati News

Gujarati News

News of Wednesday, 24th February 2021

પાટણ જીલ્લાના સરસ્વતી તાલુકામાં ૧૦૦ કાગડાના મોતથી અરેરાટીઃ બર્ડફલુની આશંકા

(જયંતીભાઇ ઠકકર દ્વારા પાટણ તા. ર૪ : સરસ્વતી તાલુકાના કિમ્બુવા પાટીયા નજીક આવેલ વિશાળ વડની નીચે મંગળવારની સવારે આશરે ૧૦૦ જેટલા કાગપક્ષીઓનો મૃતદેહ મળી આવતા સ્થાનિક ગામલોકોએ અબોલ જીવો પ્રત્યે દુઃખની લાગણી વ્યકત કરી હતી. તો આ ઘટનાને પગલે ટીડીઓ, વનવિભાગ અને પાલનપુરના સેમ્પલ  વિભાગની ટીમો ઘટના સ્થળે દોડી આવી હતી અને એક સાથે મોતને ભેટેલા ૧૦૦ જેટલા કાગ પક્ષીઓનું શા કારણે મોત થયું છે તેની સઘન તપાસ હાથ ધરી છે. આ બનાવ અંગેની જાણ તંત્રને થતાં ટીડીઓ પાટણ વનવિભાગ અને પાલનપુરની સેમ્પલ કચેરીની ટીમના અધિકારીઓ ઘટના સ્થળે દોડી આવ્યા હતા અને કાગપક્ષીઓના મોતની પ્રાથમીક તપાસમાં કોઇ મૃત જાનવરને ખોરાક આરોગ્ય  અથવા તો બર્ડફલુની બીમારીને કારણે મૃત્યુ થયું હોવાની આશંકા સેવાઇ રહી છે. ત્યારે કાગપક્ષીઓના આ મોત અંગે પાલનપુરની સેમ્પલ ટિમના અધિકારીઓએ સાત જેટલા મૃત કાગડાઓને લેબોરેટરી ચકાસણી માટે ભોપાલ ખાતે મોકલી આપવાાં આવ્યા છે.

(3:51 pm IST)
  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST

  • કોંગ્રેસ પ્રમુખ અમિત ચાવડાના કૌટુંબિક ભાઈ પ્રશાંત ચાવડાએ ભગવો ધારણ કર્યો, રાજ્યસભાના પૂર્વ સાંસદ લાલસિંહ વડોદીયાએ આણંદમાં ખેસ પહેરાવી કર્યું સ્વાગત access_time 1:05 am IST

  • યમુના એકસપ્રેસ વે ઉપર મોતનું તાંડવઃ ૭ના જીવ લીધા : આગ્રા-દિલ્હી યમુના એકસ્પ્રેસવે ઉપર એક ટેન્કર બેકાબુ બનતા ઈનોવા કાર સાથે અથડાયેલ અને ૨ મહિલા સહિત ૭ના સ્થળ પર જ મૃત્યુ થયા હતા. મજીરા-અલીગઢ બોર્ડર ઉપર આ ભયાનક દુર્ઘટના સર્જાયેલ. ઈનોવા કારના ભૂક્કા બોલી ગયા હતા. મૃત્યુ પામેલાની ઓળખ જીંદ-સફીદોંના મનોજ, બબિતા, અભય, હેમંત, કલ્લુ, હિમાદ્રી અને ડ્રાઈવર રાકેશ તરીકે થયા છે. access_time 10:12 am IST