Gujarati News

Gujarati News

News of Sunday, 24th January 2021

રાજપીપળા ખાતે રાષ્ટ્રીય બાલિકા દિને એક સામાજિક કાર્યકરે ઉઘાડા પગે ફુગ્ગા વેચતી દીકરીને ચપ્પલ અપાવી માનવતા મહેકાવી

(ભરત શાહ દ્વારા) રાજપીપળા : રાજપીપળા સહિત નર્મદા જિલ્લામાં ઘણા અનાથ બેસહારા બાળકો હશે જેમાં કેટલીક સંસ્થાઓ આવા બાળકો કે પરિવારોને જરૂરી વસ્તુઓ આપી મદદરૂપ પણ થાય છે છતાં અમુક ખાસ દિવસે કરેલી મદદ જેમાં નાના બાળકો ને કરી હોય તો એ ખરેખર સાર્થક કહેવાય તેવો જ એક કિસ્સો આજે અમારા ધ્યાન ઉપર આવ્યો છે.
  રવિવારે રાટ્રીય બાલિકા દિવસ હોય નાંદોદ તાલુકાના ગામકુવા ગામના એક સામાજિક કાર્યકર અતુલભાઈ વસાવા તેમના કામ માટે રાજપીપળા શહેરમાં ગાડી લઈને આવ્યા હતા તે સમયે એક ફુગ્ગા વેચતી નાની દીકરીએ તેમની ગાડી પાસે આવી કહ્યું કે સાહેબ મારો એક ફુગો લઈ લો ને.. ત્યારે અતુલભાઇએ ગાડીમાંથી ઉતરી એને જોઇ તો એના પગમાં ચંપલ ન હતા,જેથી તેમને દુઃખ થયું  અને તેઓ આ દીકરીને નજીકની એક ચંપલની દુકાનમાં લઈ જઈ નવા એને મનગમતા ચંપલ લઈ આપી એક માનવતાનું ઉત્તમ ઉદાહરણ પાર પાડ્યું હતું. ત્યારબાદ અતુલભાઈએ આનંદ વ્યક્ત કરતા જણાવ્યું કે આજના રાષ્ટ્રીય બાળ દિવસ પર મેં એક નાની દીકરીને ચમ્પલની નાનકડી ભેટ આપતા મારા મનને ખૂબ સંતોષ મળ્યો હતો

(11:10 pm IST)
  • મહારાષ્ટ્ર: નાસિકની છાવણીથી મુંબઇના આઝાદ મેદાનમાં પહોંચ્યા ખેડૂતો : તેઓ દિલ્હીની સરહદ પર ત્રણ કૃષિ કાયદાઓ વિરુદ્ધ આંદોલન કરનારા ખેડૂતોના સમર્થનમાં નાસિકથી મુંબઇ સુધી કૂચ કરી છે. access_time 9:44 pm IST

  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST

  • દક્ષિણ આફ્રિકામાં મળેલો કોરોના વાયરસ અતિ ભયાનકઃ એન્ટીબોડીને તોડીને ફરીથી કરે છે સંક્રમિતઃ બ્રિટનમાંથી આવેલા નવા કોરોના વાયરસ કરતા પણ વધુ ગંભીર access_time 3:39 pm IST