Gujarati News

Gujarati News

News of Sunday, 24th January 2021

ચૂંટણી ટિકિટ માટે ભાજપના બે નેતાઓની વચ્ચે મારામારી

ચૂંટણી જાહેર થતાં ઉમેદવારોમાં લોબિંગ શરૂ : ગિરીશ પ્રજાપતિ, યુવા મોરચાના લવ ભરવાડ પત્ની માટે ટિકિટની માગ કરી છે જે અંગે તેમની વચ્ચે માથાકૂટ થઈ

અમદાવાદ, તા. ૨૪ : સ્થાનિક સ્વરાજ્યની ચૂંટણીની જાહેરાતની ઘણા સમયથી રાહ જોવાઈ રહી હતી. ગઈ કાલે ચૂંટણી બોર્ડે આગામી કોર્પોરેશન સહિતની અન્ય ચૂંટણીઓની તારીખો જાહેર કરતા જ ઉમેદવારો ટિકિટ મેળવવા માટે લોબિંગ શરૂ કરી દીધું છે. આ વચ્ચે અમદાવાદ કોર્પોરેશનમાં નરોડા વિસ્તારમાં ટિકિટ માટે ભાજપના કોર્પોરેટર અને યુવા મોરચાના સભ્ય વચ્ચે મારા મારી થઈ છે.

ચૂંટણીની તારીખો જાહેર થતા જ ભાજપ અને કોંગ્રેસમાં ઉમેદવારનોની પસંદગી કરવાની પ્રક્રિયા શરૂ થઈ ગઈ છે. ભાજપ દ્વારા સેન્સ પ્રક્રિયા યોજવામાં આવી રહી છે ત્યારે ટિકિટ બાબતે નરોડા વિસ્તારમાં આ મારામારીની ઘટના સામે આવી છે.ભાજપના કોર્પોરેટર ગિરીશ પ્રજાપતિએ પોતાની પત્ની માટે ટિકિટ માંગી હતી જ્યારે યુવા મોરચાના કારોબારી સભ્ય લવ ભરવાડે પણ પત્ની માટે ટિકિટ માંગી હતી. આ બાબતે ઉશ્કેરાયલયેલા લવ ભરવાડે દેવી સિનેમાંથી ૫૦ મીટર દૂર માર માર્યો છે. આ ઘટનામાં ગિરિશ પ્રજાપતિ અને તેમના ભાઈને ઇજા પહોંચતા ખાનગી હૉસ્પિટલમાં દાખલ કરવામાં આવ્યા છે.

ઘટનાની જાણ થતા પોલીસની પીસીઆર વાન ઘટના સ્થળે પહોંચી ગઈ હતી અને પ્રજાપતિ અને ભરવાડની શોધ કરવાનો પ્રયાસ કર્યો હતો. આ ઘટના અંગે હજુ સુધી કોઈ પોલીસ ફરિયાદ કરવામાં આવી નથી. જો કોઈ પણ પક્ષ સામે આવે અને પોલીસ ફરિયાદ કરે તો પોલીસ આગળની કાર્યવાહી કરશે.

સ્થાનિક સ્વરાજ્યની આ ચૂંટણીને પગલે ભાજપે આજથી જ રાજ્યમાં ત્રણ દિવસ માટે સેન્સ પ્રક્રિયાની શરૂઆત કરી છે. ૮ વિધાનસભા બેઠકની પેટા ચૂંટણીમાં ફુલ્લી પાસ થયેલા સી.આર પાટીલ હવે સ્થાનિક સ્વરાજ્યનો જંગ જીતવા કમર કસી રહ્યા છે.

(10:08 pm IST)
  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST

  • થાકેલા-હારેલા પાકિસ્તાને રશિયાની કોરોના વેકસીનને મંજૂરી આપી દીધી: પાકિસ્તાને રશિયાની સ્પૂટનીક ફાઈવ વેકસીનને ઈમરજન્સી ઉપયોગ માટે મંજૂરી આપી દીધી છે. access_time 4:42 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST