Gujarati News

Gujarati News

News of Sunday, 24th January 2021

ડૉ.ભરત બોઘરાના સમારોહના પોસ્ટરમાં કુંવરજી બાવળિયા કપાયા

જસદણ ભાજપમાં જૂથવાદ ચરમસીમાએ : કુંવરજી બાવળિયાનો કે જેવો પણ તે જ વિસ્તારમાં કાર્યરત છે તેમના એક પણ ફોટો બેનર માં જોવા મળ્યો ન હતો

રાજકોટ, તા. ૨૪ : સૌરાષ્ટ્રમાં ભાજપમાં જો જૂથવાદની ચર્ચા થાય તો  હાલમાં જસદણનું નામ કદાચ મોખરે આવતું હશે. કેમકે જસદણ ભાજપમાં અવારનવાર જૂથવાદ ઊગીને આંખે વળગે તેવી રીતે સામે આવે છે. ત્યારે ફરી એકવાર જસદણના ભાજપના કાર્યક્રમમાં કુંવરજીભાઈ બાવળીયા અને ભરત બોઘરા વચ્ચેના જૂથવાદ નો વધુ એક કિસ્સો પણ સામે આવ્યો છે. ભરત બોઘરા ભાજપના ઉપપ્રમુખ બન્યા ત્યાર બાદ અલગ અલગ જગ્યાઓ પર ભરત બોઘરા નું સન્માન પણ કરવામાં આવ્યું. તેવી જ રીતે પોતાના ગામ જસદણમાં પણ ભરત બોઘરાનો અભિવાદન સમારોહ યોજવામાં આવ્યો હતો.

ભરત બોઘરા ને અભિનંદન આપતા અલગ-અલગ આગેવાનો અને કાર્યકર્તાઓ દ્વારા બેનરો લગાડવામાં આવ્યા હતા. આ બેનરમાં ભાજપના તમામ નેતાઓ અને આગેવાનો ના ફોટા મૂકવામાં આવ્યા હતા ત્યારે ફક્ત કુંવરજીભાઈ બાવળિયાનો કે જેવો પણ તે જ વિસ્તારમાં કાર્યરત છે તેમના એક પણ ફોટો બેનર માં જોવા મળ્યો ન હતો, જેને લઇને હાલ સમગ્ર વિસ્તારમાં પણ ચર્ચાઓ જાગી છે. જે રીતે કાર્યકર્તાઓ અને સમર્થકો દ્વારા પોતાના નામના પોસ્ટર મારવામાં આવ્યા તેમાં નરેન્દ્ર મોદી, વિજય રૂપાણી, નીતિન પટેલ , જયેશ રાદડિયા, ભૂપેન્દ્રસિંહ ચુડાસમા સહિતના તમામ પ્રધાનોના ફોટો લગાવ્યા હતા પરંતુ તે જ વિસ્તારમાંથી ચૂંટાયેલા, કદાવર નેતા, કોળી સમાજના આગેવાન અને કેબિનેટ મંત્રી એવા કુવરજીભાઈનો ફોટો એક પણ જગ્યાએ જોવા મળ્યો ન હતો. ઉલ્લેખનીય છે કે અગાઉ પણ અનેક કાર્યક્રમો અને વિકાસના કાર્યક્રમોના લોકાર્પણમાં પણ આ પ્રકારના જૂથવાદ જોવા મળ્યા હતા. ઘણા કાર્યક્રમોમાં કુવરજીભાઈ હોય ત્યારે ભરત બોઘરાની બાદબાકી થતી જોવા મળતી હતી અને ઘણા કાર્યક્રમોમાં ભરત બોઘરા હોય ત્યારે કુવરજીભાઈની બાદબાકી થતી જોવા મળી હતી, જેનો વધુ એક કિસ્સો ગઇકાલે અભિવાદન સમારોહમાં સામે આવ્યો હતો અને જેની ચર્ચા ચારેકોર થઇ રહી છે.

મહત્વનું છે કે જ્યારે કુંવરજીભાઈ બાવળીયા કોંગ્રેસમાં હતા જ્યારે કુંવરજીભાઈ અને ભરત બોઘરા એકબીજાના પ્રતિસ્પર્ધી હતા પરંતુ જ્યારે કુંવરજીભાઈ કોંગ્રેસ છોડી ભાજપમાં આવ્યા હતા ત્યારે પેટા ચૂંટણીમાં કુવરજીભાઈને જીતાડવામાં ભરત બોઘરાએ ખૂબ મહેનત કરી હતી.

(10:14 pm IST)
  • વિજય માલ્યા બન્યો મરણીયો : બ્રિટનમાં જ રહેવા પૈતરો : ગૃહમંત્રી પ્રીતિ પટેલ સમક્ષ અરજી કરી : હાલ તે જામીન ઉપર છુટેલો છે access_time 3:16 pm IST

  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST

  • ગુજરાતમાં કોંગ્રેસના ઓબ્ઝર્વર તરીકે છત્તીસગઢના ગૃહમંત્રીની નિમણૂંક : છત્તીસગઢના હોમ મિનિસ્ટર તામ્રધ્વજસિંહની ગુજરાતના ઓબ્ઝર્વર તરીકે કોંગ્રેસ નેતાગીરીએ નિમણૂક કરી છે access_time 5:04 pm IST