Gujarati News

Gujarati News

News of Sunday, 24th January 2021

વીકેન્ડમાં અમદાવાદીઓ બિન્દાસ : નાસ્તાની લારીઓ દુકાનોમાં નિયમોના લીરેલીરા ઉડ્યા

બાઉન્સર પણ રાખ્યા છે. પરંતુ લોકો સમજતા જ નથી. નાસ્તા લઈને અહી ટોળું જમાવે છે.

અમદાવાદ : કોરોનાનું સંક્રમણ હજી પણ અટક્યું નથી ત્યારે  અમદાવાદીઓ નાસ્તા કરવા માટે બિન્દાસ બન્યા છે. શહેરના અનેક રસ્તાઓ ઉપર ખાણીપીણીની લારીઓ-દુકાનો ઉપર કોરોનાના નિયમોનો ધજાગરા ઉડતા જોવા મળી રહ્યા છે.

, કોરોનાના કહેર વચ્ચે હજી લોકો ક્યાંકને ક્યાંક ભાન ભૂલીને પોતાની મસ્તીમાં જ ફરી રહ્યા છે.અમદાવાદીઓ માટે કહેવાય છે નાસ્તાનો શોખીન છે પરંતુ આ જ નાસ્તા ક્યાંક તમારા ઘરમાં કોરોના લઈને ના આવે. અમદાવાદના બોડકદેવ વિસ્તારમાં અહી લોકો સાથે દૂર થી એક પાણી પૂરીની લારી જોવા મળશે. અહી અમદાવાદીઓને પાણીપુરીનો ટેસ્ટ બહુ ગમે છે પણ આ જ ટેસ્ટ તેમના પરિવારમાં બીમારી લાવશે

કોરોનાનું સંક્રમણ હજી પણ અટક્યું નથી ત્યારે અમદાવાદમાં અમદાવાદીઓ નાસ્તા કરવા માટે બિન્દાસ બન્યા છે. જેનું ઉદાહરણ અમદાવાદનો આ વિસ્તાર છે. જ્યાં સાંજે 5થી 8 એવી ભીડ થાય છે જે કદાચ તમે સ્વપ્નેય ના વિચારી હોય. જ્યારે અમારી ટીમે અહીંના લોકો સાથે વાત કરવાની કોશિશ કરી ત્યારે અહી લોકો ભાગતા જોવા મળ્યા.

  માત્ર બોડકદેવ નહિ પરંતુ અમદાવાદ ના અંકુર વિસ્તારમાં પણ આ હાલ છે. અંકુર વિસ્તારમાં અમદાવાદ મહાનગર પાલિકા દ્વારા ઘણી દુકાનો સીલ પણ કરવામાં આવી હતી પરંતુ લગ્નમાં વધારે લોકોની છૂટ થી અમદાવાદીઓ હવે બિન્દાસ બની નાસ્તા માટે બિન્દાસ બન્યા છે.

નાસ્તા સેન્ટરના કાઉન્ટર પર પૂછ્યું ત્યારે જાણવા મળ્યું કે લોકોને સમજાવવા માટે અહી બાઉન્સર પણ રાખ્યા છે. પરંતુ લોકો સમજતા જ નથી. નાસ્તા લઈને અહી ટોળું જમાવે છે.

(6:42 pm IST)
  • દક્ષિણ આફ્રિકામાં મળેલો કોરોના વાયરસ અતિ ભયાનકઃ એન્ટીબોડીને તોડીને ફરીથી કરે છે સંક્રમિતઃ બ્રિટનમાંથી આવેલા નવા કોરોના વાયરસ કરતા પણ વધુ ગંભીર access_time 3:39 pm IST

  • થાકેલા-હારેલા પાકિસ્તાને રશિયાની કોરોના વેકસીનને મંજૂરી આપી દીધી: પાકિસ્તાને રશિયાની સ્પૂટનીક ફાઈવ વેકસીનને ઈમરજન્સી ઉપયોગ માટે મંજૂરી આપી દીધી છે. access_time 4:42 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST