Gujarati News

Gujarati News

News of Monday, 23rd November 2020

કોરોના આંકમાં અમપા અને સરકારના આંકડામાં તફાવત

વકરતી કોરોના મહામારીમાં પણ તંત્રની બેદરકારી : કોરોના આંક સાથે સરકાર ગોલમાલ કરતી હોવાનો આક્ષેપ

અમદાવાદ, તા. ૨૩ : કોરોનાના કેસો વધતાં કેન્દ્રની ટીમ ગુજરાત દોડી આવી છે, કેન્દ્રીય ટીમના વડા ડો. એસ.કે. સિંગે એવું નિવેદન આપ્યું કે, ગુજરાતમાં કોરોના વકર્યો તેની પાછળનું કારણ તંત્ર નહિ પરંતુ લોકોની ભીડ બતાવી છે. જોકે હાલમાં ગુજરાતમાં માત્ર બે દિવસમાં ૩૦૧૦ પોઝિટેવ કેસ આવતા આખા ગુજરાતમાં હાહાકાર મચી ગયો છે ત્યારે અમદાવાદની વાત કરીએ તો અહિં ૩૫૦થી વધુ કોરોના પોઝિટિવ કેસ આવી રહ્યા છે, ત્યાં જ ગઇ કાલે તો અમદાવાદમાં શહેરમાં ૮ લોકોના મોત નિપજ્યા હતા. પરંતુ આ દરમિયાન લોકોમાં ચર્ચા એવી પણ થઇ રહી છે કે, અમદાવાદ અને સરકાર જે કોરોનાનાં આંકડા જાહેર કરે છે તે ખોટા છે. ક્યાંક ને ક્યાંક સરકાર દ્વારા કોરોનાના આંકડાઓ સાથે ગોલમાલ કરવામાં આવી રહ્યો છે.

આ પહેલા અમદાવાદના વિરોધપક્ષના નેતાઓએ પણ સરકાર સામે સવાલો ઉઠાવ્યા હતા કે, તેઓ શહેરીજનોને કોરોનાના સાચા આંકડા જણાવે જેથી લોકોને કોરોના મહામારીનું અસલ સ્વરૂપ ખબર પડે. અને લોકો સાવચેત રહી સરકારી ગાઇડલાઇનનો ઉપયોગ કરે. જોકે હવે અમદાવાદમાં કોરોના આંકમાં વિસંગતતા જોવામળી રહી છે. હવે અમપા અને સરકારના કોરોનાનાં આંકડામાં વિસંગતતા નજર આવી રહી છે.

શહેરમાં દિવસના ૨૮૦થી ૨૯૦ આંકડા દર્શાવાય છે. ત્યાં જ માત્ર બીજે  મેડિકલ કોલેજમાં જ ૧૨૦થી વધુ કેસ આવે છે. બીજી તરફ રેપિડમા પોઝિટિવ આવનારનો આરટીપીસીઆર ટેસ્ટ કરવામાં આવતો નથી. એટલા માટે આરટીપીસીઆર અને રેપિડ એન્ટિજનના આંક અલગ અલગ જોવા મળે છે.

હાલમાં અમદાવાદ શહેરમાં કોરોનાના દર્દીઓમા નોધપાત્ર વઘારો થયો છે ત્યારે કોર્પોરેશન અને સરકારના આંકડા ખોટા સાબિત થઇ રહ્યા છે. અહિં કોર્પોરેશનના કોરોનાનાં આંકડાની પોલ ખુલી ગઇ છે. કોર્પોરેશન મુજબ દિવસના ૨૮૦ થી ૨૯૦ દર્શાવાય છે. ત્યારે હવે લોકો કોર્પોરેશનને સાચા આંકડા દર્શાવવા જણાવી રહ્યા છે.

(9:22 pm IST)
  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST

  • ડ્રગ્સ કેસમાં પકડાયેલ સુપ્રસિદ્ધ કોમેડીયન ભારતીસિંહ અને તેના પતિ હર્ષ લીંબાસીયાને મુંબઈની સ્પેશ્યલ એનડીપીએસ કોર્ટે જામીન ઉપર છોડવા હુકમ કર્યો છે access_time 4:03 pm IST