Gujarati News

Gujarati News

News of Monday, 23rd November 2020

અમદાવાદના તબીબે સગાઇ તોડી નાંખતા પાટણની યુવતીએ ઇ-મેઇલથી ધમકી આપીઃ તબીબ યુવતિની ધરપકડ

અમદાવાદ : હાલમાં સંબંધો ખુબ જ નાજુક થઇ ચુક્યા છે. નાની નાની બાબતોમાં યુવાનો બ્રેકઅપ અને સગાઇ તોડવા જેવી બાબત ખુબ જ સામાન્ય રીતે કરી લેતા હોય છે. તેવામાં સોશિયલ મીડિયામાં તે ખુબ ચાવીરૂપ ભુમિકા નિભાવે છે. સાયબર ક્રાઇમની એક ખુબ જ વિચિત્ર ઘટના સામે આવી છે.અમદાવાદની વી.એસ હોસ્પિટલના તબીબે સગાઇ તોડી નાખતા યુવતીને લાગી આવ્યું હતું અને ઇમેઇલ પર ધમકી આપી હતી. 

વીએસ હોસ્પિટલમાં ફરજ બજાવતા તબીબ મેહુલ મહેતાને ઇમેઇલ પર ધમકી મળતા તેમણે સાયબર ક્રાઇમમાં ફરિયાદ દાખલ કરાવી હતી.  પોલીસે તપાસ કરતા આ ફેક મેઇલ આઇડી પાટણની તબીબ યુવતી દ્વારા બનાવાયું હોવાનું સામે આવ્યું હતું. પોલીસે પાટણથી તબીબ યુવતીની ધરપકડ કરી છે. 

તબીબ યુવતીની પુછપરછમાં સામે આવ્યું છે કે, યુવતીની સગાઇ મેહુલ સાથે થઇ હતી. જો કે બંન્ને વચ્ચે મનદુખ થતા સગાઇ તોડી નાખી હતી. જે વાતનું લાગી આવતા યુવતીએ મેહુલને ડરાવવા માટે ફેક ઇમેઇલ આઇડી બનાવીને ધમકીભર્યો ઇમેઇલ કર્યો હતો. જો કે આરોપીએફરિયાદીની મિત્રને પણ ધમકીભર્યો ઇમેઇલ કર્યો હતો. હાલમાં પોલીસ દ્વારા આરોપીની અટકાયત કરીને પુછપરછ આદરી છે.

(5:28 pm IST)
  • દિલ્હીમાં 6746 ને કોરોના લાગ્યો: 121 ના મોત: દિલ્હીમાં છેલ્લા 24 કલાકમાં 6,746 લોકોને કોરોના વાયરસનો ચેપ લાગ્યો છે અને 121 કોરોના દર્દીઓનાં મોત નીપજ્યાં છે. access_time 11:37 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST