Gujarati News

Gujarati News

News of Monday, 23rd November 2020

ભીલાડ પોલીસે ટ્રકના ચોરખાનામાં લઇ જવાતો રૂ. 4.5 લાખનો દારૂ પકડી પાડ્યો

વલસાડ જિલ્લા પોલીસ વડા ડો. રાજદિપસિંહ ઝાલાની સૂચના અને ડીવાયએસપી વી. એમ. જાડેજાના માર્ગદર્શન હેઠળ ભીલાડ પીએસઆઇ આર. બી. વનારે ટ્રકને પકડી તેના ચોર ખાનામાં સંતાડેલો દારૂ પકડી પાડ્યો

(કાર્તિક બાવીશી દ્વારા) વલસાડ : ભીલાડ પોલીસે બાતમીના પગલે હાઇવ પરથી જતી એક ટ્રકમાંથી રૂ. 4.5 લાખનો અધધ કહી શકાય એવો જથ્થો પકડી પાડ્યો હતો. આ દારૂ ટ્રકના ચોર ખાનામાં સંતાડેલો હતો. વલસાડ એસપી ડો. રાજદિપસિંહ ઝાલાની સૂચના અને ડીવાયએસપી વી. એમ. જાડેજાના માર્ગદર્શન હેઠળ કર્તવ્યનિષ્ઠ ભીલાડ પીએસઆઇ આર. બી. વનારે વલવાડા મોહનગામ ફાટક પાસે હાથ ધરેલી નાકાબંધીમાં ત્યાંથી પસાર થતી ટ્રક નં. MH43Y 5298 અટકાવી તેની જડતી લીધી હતી. જેમાં બનાવેલા વિશેષ ગુપ્ત ચોર ખાનામાંથી પોલીસે દારૂની  7824 બોટલો કિં. રૂ. 4.51 લાખની મળી આવી હતી. જેના પગલે પોલીસે ટ્રક ચાલક મહેબુબ ઉર્ફે મેમલો બચુભાઇ ભટ્ટી રહે. ભચાવ કચ્છને પકડી પાડ્યો હતો અને તેની વિરૂદ્ધ ગુનો દાખલ કરી વધુ તપાસ હાથ ધરી છે.

(10:16 pm IST)
  • દિલ્હીની બે બજારો બંધ કરી દેવાઈ : પશ્ચિમ દિલ્હીના બે બજારો જનતા માર્કેટ અને પંજાબી બસ્તી બાઝારને ૩૦મી સુધી બંધ કરી દીધા છે : અહિં નિયમોનું ઉલ્લંઘન અને ભારે ભીડ સર્જાતી હતી : કોરોનાએ અહિં રાડ બોલાવી દીધી છે access_time 11:32 am IST

  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST

  • ડ્રગ્સ કેસમાં પકડાયેલ સુપ્રસિદ્ધ કોમેડીયન ભારતીસિંહ અને તેના પતિ હર્ષ લીંબાસીયાને મુંબઈની સ્પેશ્યલ એનડીપીએસ કોર્ટે જામીન ઉપર છોડવા હુકમ કર્યો છે access_time 4:03 pm IST