Gujarati News

Gujarati News

News of Monday, 23rd November 2020

અમદાવાદમાં કર્ફ્યુનો ભંગ કરવા બદલ કુલ ૫૯૩ કેસ

૬૪૧ લોકોની ધરપકડ, એક પોઝિટિવ : બે દિવસમાં શહેરંથી ૭૨ લોકોએ લગ્ન માટે મંજૂરી માંગી હવે રાત્રીના ૯ વાગ્યા બાદ લગ્ન પ્રસંગ યોજી નહીં શકાય

અમદાવાદ, તા. ૨૨ : શહેરમાં કોરોનાના કહેરનો બીજો રાઉન્ડ શરૂ થયો હોય તેમ લાગી રહ્યું છે. દિવાળીનાં પર્વ દરમિયાન કોરોનાના કેસમાં સતત વધારો જોવા મળી રહ્યો છે. ત્યારે કોરોનાનું સંક્રમણ વધે નહિ તે માટે અમદાવાદ શહેરમાં શુક્રવાર રાત્રીના નવ વાગ્યાથી સોમવાર સવારના છ વાગ્યા સુધી કર્ફ્યૂ જાહેર કરવામાં આવ્યું છે. જેને ધ્યાન માં રાખી ને શહેર પોલીસ કડક પણે કર્ફ્યૂ નો અમલ કરાવી રહી છે.

શહેરમાં શુક્રવાર રાત્રીના નવ વાગ્યાથી પોલીસ કાફલા સાથે ફ્લેગ માર્ચ કરી રહી છે. ઉપરાંત મોટાભાગના ચાર રસ્તા ઉપર બેરીકેટ લગાવીને પોલીસ દ્વારા વાહન ચેકિંગ કરવામાં આવી રહ્યું છે. પોલીસ દ્વારા તમામ વાહન ચાલકોને પૂછપરછ કરવામાં આવી રહી છે કે તેઓ કયા કારણોસર બહાર નીકળ્યા છે. તે અંગે પણ પૂછપરછ કરવામાં આવી રહી છે.

અને જો યોગ્ય કારણ ન જણાય તો તેની સામે કાયદેસરની કાર્યવાહી પણ કરવામાં આવી રહી છે. આ પ્રકારે શહેરમાં વાત કરીએ તો શુક્રવાર રાત્રીના નવ વાગ્યાથી આજે બપોરના ૪ વાગ્યા સુધીમાં કર્ફ્યૂનો ભંગ કરવા બદલ પોલીસે ૫૯૬  કેસ દાખલ કર્યા છે. અને ૬૪૧ આરોપીઓની ધરપકડ કરી છે. જેમાં એક આરોપીની કોરોના રિપોર્ટ પણ પોઝિટિવ આવ્યો છે. જેમાં સેકટર ૧ પોલીસ સ્ટેશન વિસ્તારની વાત કરીએ તો પોલીસ એ ૨૩૦ કેસ દાખલ કરી ૨૩૮ આરોપી ઓ સામે કાર્યવાહી કરી છે. અને સેકટર ૨ વિસ્તારમાં ૩૬૬ કેસ દાખલ કરી ૪૦૩ આરોપીઓ સામે કાર્યવાહી કરી છે. તો બીજી તરફ વાત કરવામાં આ બે દિવસમાં શહેરમાંથી ૭૨ લોકો એ લગ્ન માટે પોલીસની મંજૂરી માંગી છે. પરંતુ મહત્વની બાબત તો એ છે કે હવે અમદાવાદમાં પણ રાત્રીના નવ વાગ્યા બાદ કોઈ લગ્ન પ્રસંગ યોજી શકાશે નહી. કારણ કે હવે પોલીસ રાત્રિ કર્ફ્યૂ દરમિયાન લગ્ન માટે કોઈ મંજૂરી આપશે નહિ. હવે ક્યારે સોમવાર થી રાત્રીમાં નવથી સવાર ના છ વાગ્યા સુધી કર્ફ્યૂનું પાલન કરવાનું રહેશે. ઉલ્લેખનીય છે કે છેલ્લા ૨૪ કલાકમાં ગુજરાતની કોરોનાની સ્થિતિની વાત કરીએ તો આજે રવિવારે છેલ્લા ૨૪ કલાકમાં ૧૪૯૫ લોકો કોરોના સંક્રમિત થયા છે. જ્યારે વધુ ૧૩ લોકોના કોરોનાના કારણે મોત નીપજ્યું હતું.

(9:19 pm IST)
  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • ડ્રગ્સ કેસમાં પકડાયેલ સુપ્રસિદ્ધ કોમેડીયન ભારતીસિંહ અને તેના પતિ હર્ષ લીંબાસીયાને મુંબઈની સ્પેશ્યલ એનડીપીએસ કોર્ટે જામીન ઉપર છોડવા હુકમ કર્યો છે access_time 4:03 pm IST