Gujarati News

Gujarati News

News of Tuesday, 23rd October 2018

સુરતમાં ગોડાદરાની માસુમ બાળકીની સાથે નરાધમે શ્રુષ્ટિ વિરુદ્ધનું કૃત્ય આચરતા પોલીસે ધરપકડ કરી

સુરત:ગોડાદરાની માસૂમ બાળાને પીંખી નાંખી હત્યા કરનારા હેવાન અનિલ યાદવને સુરત પોલીસ બિહારથી લઇ આવી હતી. પોલસની પૂછપરછમાં સમગ્ર ઘટનાક્રમ અંગે ચોંકાવનારી હકીકતો બહાર આવી હતી.

પોલીસ અધિકારીઓ પણ નરાધમની કેફિયત સાંભળી સ્તબ્ધ થઇ ગયા હતા. નરાધમ નશામાં ચકચૂર બની મોબાઇલમાં પોર્ન વીડિયો જોતો હતો, મગજ પર વિકૃતિનો નશો ચઢી ગયો હતો અને તે સમયે જ માસૂમ બાળા રમતા-રમતા તેના રૂમમાં ઘૂસી ગઇ હતી. જાતિય આવેગો રોકી નહિ શકેલા અનિલ યાદવે સાડા ૩ વર્ષની માસૂમ બાળકીને પોતાની હવસનો શિકાર બનાવી હતી. દુષ્કર્મની સાથોસાથ ફૂલ જેવી બાળા સાથે યાદવે સૃષ્ટિ વિરૂદ્ધનું પણ કૃત્ય આચર્યું હતુ. જેને કારણે અસહ્ય પીડા થતા બાળકી રડવા લાગી હતી. જેથી ગભરાઇને હવસખોરે બાળકીનું મોઢું દબાવી દીધું હતુ, મોઢું દબાવતા જ બેભાન થઇ ગયેલી બાળાનું ગળું દબાવી હંમેશા માટે શાંત કરી દીધી હતી. આ રીતે દુષ્કર્મ અને હત્યાકાંડ કર્યા બાદ નરપિશાચ અનિલ યાદવ ઘરમાં જ બેસી રહ્યો હતો. બાળકીને શોધવા બહાર લોકોની દોડધામની સાથોસાથ પોલીસની પણ ધોંસ વધી ગઇ હોવાનું જણાતા તે રૂમમાં જ બેસી રહ્યો હતો. પરિવારજનોએ મોડીરાત્રે તેનો દરવાજો પણ ખખડાવ્યો હતો.

(5:05 pm IST)
  • સુરતના હજીરા પોલીસે વિદેશી દારૂનો જથ્થો ઝડપી પાડ્યો :7 લાખના વિદેશી દારૂ સહિત 10 લાખનો મુદ્દામાલ ઝડપાયો :ભારતીય બનાવટનો વિદેશી દારૂનો જથ્થો હજીરા પોલીસે ઝડપ્યો લાખોના મુદ્દામાલ સાથે પોલીસે કરી બે આરોપીની ધરપકડ:ખેતરમાં ભાડૂતી જગ્યા રાખી આરોપીઓ દારૂનો કરતા હતા સંગ્રહ access_time 6:46 pm IST

  • અમદાવાદમાં વકરતો રોગચાળો: છેલ્લા એક જ અઠવાડિયામાં ટાઈફોડના ૬૫ અને કમળાના ૫૮ નવા કેસો નોંધાયા access_time 1:12 am IST

  • ફટાકડાના વેચાણ ઉપર સંપૂર્ણ પ્રતિબંધ લાદવા સુપ્રિમનો ઈન્‍કારઃ રાત્રે ૮ થી ૧૦ વચ્‍ચે જ ફટાકડા ફોડી શકાશે : ભારે - મોટા અવાજવાળા ફટાકડા ઉપર પ્રતિબંધઃ કેટલીક શરતો સાથે ઓછા પ્રદૂષણ ફેલાવનારા ફટાકડા ફોડવાની મંજૂરી : હવેથી લાયસન્‍સધારકો જ ફટાકડા વેચી શકશે : રાત્રે ૮ થી ૧૦ સુધી જ ફટાકડા ફોડી શકાશે : ઓનલાઈન ‘નેટ' ઉપર ફટાકડા વેચી નહિં શકે : સુપ્રિમ કોર્ટે ફટાકડા વેચાણ ઉપર ઐતિહાસિક ચુકાદો આપ્‍યો : સુપ્રિમે કહ્યું કે, ફટાકડાનું વેચાણ રોકવા કરતા તેમના ઉત્‍પાદન સંબંધી નિયમો બનાવવાનું વધુ ઉચિત રહેશે : બીજા ધર્મના તહેવારો ઉપર પણ આ આદેશ લાગુ પડશે : ફટાકડા ફોડવા ઉપર જાગૃતતા અભિયાન ચલાવાય : સુપ્રિમ access_time 11:32 am IST