Gujarati News

Gujarati News

News of Monday, 23rd September 2019

સાઉદીના રિયાધમાં ગુજરાતી યુવાનો ફસાયા : કુટુંબીઓ ચિંતાતુર

નવસારી,તા.૨૩: સાઉદી અરેબિયાના રિયાધ શહેરની કંપનીમાં પેટિયું રળવા ગયેલા નવસારી જિલ્લા સહિત દક્ષિણ ગુજરાતના યુવાનોને કંપનીએ છેલ્લા કેટલાક મહિનાઓથી પગાર નહીં આપી સાઉદીમાં જરૂરી એવો હકામાં કાર્ડ રિન્યૂ ન કરાવતા ભારતીય યુવાનોની સ્થિતિ કફોડી બની છે. કંપનીની આડાઈને કારણે ત્યાં ફસાયેલા યુવનોના પરિવાર જનોમાં ચિંતા ફેલાઇ છે સાથે જ સરકાર તેમને ભારત પરત લાવવા મદદરૂપ થાય એવી આશા સેવી રહ્યા છે.

નવસારીના ચીખલી તાલુકાના રૂમલા ગામના ગરીબ પરિવારનો સુરેશ શુક્કર પટેલ વર્ષોથી સાઉદી અરેબિયાના રિયાધની કંપનીમાં નોકરી કરવા જાય છે. ગત ૨૦૧૭માં પણ સુરેશ રિયાધની એસએસસીએલ કંપનીમાં નોકરીએ ગયો હતો, પરંતુ ત્યાં ગયા બાદ કામ બંધ થવા સાથે જ કંપનીએ પગાર આપવાનું બંધ કરતાં સુરેશ સહિત પરિવારની સ્થિતિ કફોડી બની છે. બીજી તરફ સુરેશને હકામાં કાર્ડ મળે તો જ ભારત આવી શકાય એવું જાણતા જ પરિવાર જાણો ચિંતામાં મુકાયા છે.

રિયાધના ભારતીય દૂતાવાસમાં રજૂઆત કરવા છતા પણ કોઈ ઉકેલ ન દેખાતા સરકાર રિયાધમાં ફસાયેલા ભારતીયોને પરત લાવવાના પ્રયાસ કરે એવી આશા પરિવારજનો સેવી રહ્યા છે. સાઉદી અરેબિયાના રિયાધ શહેરની એસએસસીએલ કંપનીમાં ચિખલીના રૂમલા ગામના સુરેશ પટેલ સહિત રાનકૂવા ગામે રહેતો કલ્પેશ લાડ, ગણદેવી તાલુકાના ખપરવાડા ગામે રહેતો કિરણ પટેલ અને બીલીમોરાના અરવિંદ પટેલ પણ ફસાયા છે.

(3:51 pm IST)
  • અમદાવાદના કોબાથી વિસત તરફના રોડ પર પીધેલા કાર ચાલકે અનેકને લીધા અડફેટે : ચારથી પાંચ વાહનો સાથે અકસ્માત કર્યો : પોલીસે કર્યો પીછો: કારચાલકે ભાગવા કર્યો પ્રયાસ : મહિલા પીએસઆઇને પણ ટક્કર મારી : પોલીસે મહા મુસીબતે આખરે તેને પકડી પાડ્યો access_time 1:03 am IST

  • કાશ્મીરમાં મંદિરો મામલે કેન્દ્ર સરકારનો મોટો નિર્ણયઃ ૫૦ હજાર બંધ મંદિરના કપાટ ખોલાશેઃ કેન્દ્ર સરકારના સર્વે બાદ બંધ શાળાઓને પણ ખોલાશેઃ કેન્દ્રીય ગૃહ રાજયમંત્રી કિશન રેડ્ડીનું નિવેદન access_time 4:09 pm IST

  • હાઉડી મોદીના મંચ પર અમેરિકાના રાષ્ટ્રપતિ ડોનાલ્ડ ટ્રમ્પે આતંકવાદ સામેની લડાઇમાં ભારતને ખુલ્લું સમર્થન આપ્યું : ડોનાલ્ડ ટ્રમ્પે પાકિસ્તાનનું નામ લીધા વગર જણાવ્યું કે ઇસ્લામિક આતંકવાદીઓ સામે ભારત અને અમેરિકા એકજૂટ થઇને લડશે. access_time 1:03 am IST