Gujarati News

Gujarati News

News of Monday, 23rd September 2019

ગુજરાત વિધાનસભાની પેટાચૂંટણી માટે કોંગ્રેસની કવાયત : આંતરિક વિવાદ ટાળવા ઉમેદવારોને સીધા જ મેન્ડેડ અપાશે

કોંગ્રેસે છ બેઠકોમાં ગ્રાઉન્ડ રિપોર્ટ જાણવા ખાનગી એજન્સીને કામ સોંપ્યું હોવાની ચર્ચા

અમદાવાદ : કેન્દ્રીય ચૂંટણીપંચે રવિવારે રાધનપુર અને બાયડ બેઠકની પેટાચૂંટણી પણ જાહેર કરી હતી. ભાજપ અને કોંગ્રેસે ચૂંટણીની તૈયારીઓ શરૂ કરી દીધી છે. કોંગ્રેસે ચૂંટણીમાં મેદાને ઉતારવા મુરતિયાઓની શોધખોળ આદરી છે. આ વખતે કોંગ્રેસ ઉમેદવારોને સીધા જ મેન્ડેડ આપી દેશે. વિરોધ વંટોળ ન થાય તે માટે કોંગ્રેસે આ સ્ટ્રેટરજી અપનાવવા નક્કી કર્યું છે. આ વખતે કોંગ્રેસે છ બેઠકોમાં ગ્રાઉન્ડ રિપોર્ટ જાણવા ખાનગી એજન્સીને કામ સોંપ્યું છે.

   આ ઉપરાંત પ્રત્યેક બેઠક પર એક સિનિયર નેતાને જવાબદારી સોંપી છે. ધારાસભ્યોને પણ ચૂંટણીલક્ષી કામગીરી અપાઈ છે. ગ્રાઉન્ડ રિપોર્ટના આધારે કોંગ્રેસ હાઇકમાન્ડ ઉમેદવારની પસંદગી કરશે. છ બેઠકો પૈકી એક બેઠક પર એકાદ મહિલાને ચૂંટણીમાં મેદાને ઉતારે તો નવાઈ નહિ. કોંગ્રેસે ઉમેદવારોને લઈને અંદરખાને સેન્સ મેળવી લીધી છે. એટલે અંદરોઅંદર વિખવાદ ન થાય તે માટે ઉમેદવારોને સીધે જ મેન્ડેડ આપી દેવાશે.

(1:25 pm IST)
  • પોરબંદરમાં ભારેબપોરે ધોધમાર અડધાથી પોણો ઇંચ વરસાદ ખાબક્યો : રસ્તાઓમાં નદીઓ વહી : રાણાવાવ અને કુતિયાણામાં વરસાદી ઝાપટા : વાતાવરણમાં ઠંડક પ્રસરી access_time 6:44 pm IST

  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • કોંગ્રેસના વરિષ્ઠ નેતા જયરામ રમેશે કહ્યું કે હું ખુશ છું કે અમેરિકામાં પીએમ મોદીને નહેરુના યોગદાનની યાદ અપાવાઈ : જયરામ રમેશે કહ્યું કે તેને એ વાતની ખુશી છે કે વડાપ્રધાન મોદીને જવાહરલાલ નહેરુએ આપેલા યોગદાનની અમેરિકામાં યાદ દેવડાવી access_time 1:09 am IST