Gujarati News

Gujarati News

News of Sunday, 23rd September 2018

પેટ્રોલ-ડીઝલના ભાવ થયા બેકાબૂ : આજે ફરી વધી કિંમતો

નવી કિંમતો લાગુ થયા બાદ 27 પૈસાના વધારા સાથે અમદાવાદમાં આજે પેટ્રોલ 81.8 રૂપિયાની સપાટી પર પહોંચી ગયું : ડીઝલ પણ 79.47 રૂપિયાની સપાટી પર

અમદાવાદઃ પેટ્રોલ અને ડીઝલની કિંમતોમાં થતા વધારાનો સતત વિરોધ થઈ રહ્યો છે છતાં કિંમતો ઘટવાનું નામ નથી લઈ રહી. આજે ફરી પેટ્રોલ-ડીઝલની કિંમતોમાં વધારો થયો છે. નવી કિંમતો લાગુ થયા બાદ 27 પૈસાના વધારા સાથે અમદાવાદમાં આજે પેટ્રોલ 81.8 રૂપિયાની સપાટી પર પહોંચી ગયું છે, જ્યારે 11 પૈસાના વધારા સાથે ડીઝલ પણ 79.47 રૂપિયાની સપાટી પર પહોંચી ગયું છે.

દિલ્હીમાં પેટ્રોલ-ડીઝલની કિંમતોની વાત કરીએ તો 17 પૈસાના વધારા સાથે પેટ્રોલ 82.61 રૂપિયા જ્યારે 10 પૈસાના વધારા સાથે ડીઝલ 73.97 રૂપિયાની સપાટી પર પહોંચ્યું છે. જ્યારે મુંબઈમાં નવા ભાવ લાગુ થયા બાદ પેટ્રોલ 89.97 રૂપિયા પ્રતિ લીટરે મળી રહ્યું છે અને ડીઝલ 78.53 રૂપિયા પ્રતિ લીટરે મળી રહ્યું છે. સતત થઈ રહેલા ભાવ વધારાના પગલે સામાન્ય નાગરિકોની પરેશાની વધી રહી છે. મુંબઈમાં છેલ્લા ચાર દિવસથી ડીઝલના ભાવમાં કોઈ વધારો નથી થયો, પરંતુ આજે ફરી ભાવ વધ્યા.

ઉલ્લેખનીય છે કે છેલ્લા કેટલાક દિવસોથી જે રીતે પેટ્રોલ-ડીઝલના ભાવમાં વધારો થઈ રહ્યો છે તેને લઈને જનતા સતત વિરોધ કરી રહી છે. સરકાર પર આ વાતને લઈને સતત દબાણ વધી રહ્યું છે. જ્યારે બીજી બાજુ પેટ્રોલ-ડીઝલના ભાવ સતત વધી રહ્યા છે તેની વિરુદ્ધમાં દિલ્હી હાઈકોર્ટમાં અરજી પણ થઈ છે. અરજદારે કેન્દ્રને એ રેકોર્ડ રજૂ કરવાના નિર્દેશની માગણી કરી છે જેના આધાર પર ઓઈલ કંપનીઓ દરરોજ પેટ્રોલ-ડીઝલની કિંમતો નક્કી કરી રહી છે.

(3:03 pm IST)
  • સુરેન્દ્રનગર:લખતરમાં ગાજવીજ સાથે ધોધમાર વરસાદ વરસ્યો :વરસાદ શરુ થવાની સાથે જ સંખ્યાબંધ વિસ્તારોમાં વીજળી ગુલ access_time 1:00 am IST

  • હિંમતનગરના રુપાલ ગામના અડપોદરા રોડ પર વરસાદી પાણી ભરાયા :અડપોદરા ઝાલા બાવજીના મેળામા જતા વાહનો અટકાયા:લોકો ટ્રાફિકમા ફસાયા access_time 1:04 am IST

  • મહીસાગર:લુણાવાડાના લીંબોદ્રા ગામ પાસે મહીસાગર નદીમાં બે યુવકો ડુબ્યા:મહીસાગર નદી પાસે ઉભા રહી સેલ્ફી લેતી વખતે નદીમાં ડુબ્યા:1 યુવકને સ્થાનિક તરવ્યાની મદદથી જીવિત બહાર કાઢવામાં આવ્યો:1 યુવકની શોધખોળ ચાલુ. access_time 10:17 pm IST