Gujarati News

અમદાવાદમાં ગુજરાત ટ્રાફિક પોલીસે ફુટપાથ પર રહેતા ગરીબ અને જરૂરિયાતમંદ બાળકોને શિક્ષણ  આપવાની પહેલ લગભગ દોઢ વર્ષ પહેલાં કરી હતી. એ શિક્ષણના વર્ગોને પોલીસની પાઠશાળા નામ આપવામાં આવ્યું હતું. દોઢ વર્ષમાં આ પાઠશાળામાં ત્રણ સેન્ટર્સ થઇ ગયા છે અને લગભગ ૨૦૦ બાળકો એમાં ભણી રહયા છે. અહીં ભણનારા બાળકો અન્ય સ્કૂલમાં પણ જતા હોય છે. પોલીસની પાઠશાળામાં માત્ર મફતમાં શિક્ષણ જ નહીં ભોજન પણ આપવામાં આવે છે. સ્થાનિક ટ્રાફીક પોલીસનું કહેવું છે કે, ફુટપાથ પર રહેતા બાળકો અવારનવાર નાના મોટા અપરાધોમાં સપડાઇ જતા હોય છે. બાળકો નવરા પડીને ગુનાહિત પ્રવૃતિઓમાં ન જોતરાય એ માટે તેમને શિક્ષણ આપીને સક્ષમ કરવામાં આવે છે, જેથી તેમની જીંદગીઁ સુધરે. આ સેન્ટર્સ પર બાળકો બેઝિક અજયુકેશન મેળવે છે અને પછી તેમને અન્ય સ્કૂલોમાં પણ દાખલો અપાવાય છે.'