Gujarati News

ખેડા:ખેડા - અમદાવાદ નેશનલ હાઈવે ૮ પર ગોબલજ નજીક કારે બાઈકને ટક્કર મારતાં સર્જાયેલા અકસ્માતમાં એકનું મોત તેમજ ચારને ઈજા થઈ હોવાનું જાણવા મળેલ છે.મળતી માહિતી મુજબ ખેડા નજીક ગોબલજ પાસે કાર નં. એમએચ ૪૩ વી ૪૪૦૨ ના ચાલકે મોટરસાઈકલ નં જીજે ૦૧ એક્સઆર ૮૯૮૫ને ટક્કર મારતાં સર્જાયેલા અકસ્માતમાં મોટરસાઈકલ ચાલક રોહિતભાઈને ગંભીર ઈજા થતાં તેનું મોત નિપજ્યું હતું. જ્યારે પાછળ બેઠેલ રાહુલ અને કારમાં સવાર ત્રણ મળી કુલ ચારને ઈજા થઈ છે. ખેડા પોલીસે કારચાલક વિરૂધ્ધ ગુનો નોંધી કાર્યવાહી હાથ ધરી છે.