Gujarati News

Gujarati News

News of Friday, 22nd June 2018

પાર્ટીમાં અવગણનાથી નારાજ કુંવરજી બાવળિયા દિલ્હી દોડ્યા:રાહુલ ગાંધી સમક્ષ પેટછૂટી વાત કરી

 

દિલ્હી ;ગુજરાત કોંગ્રેસના સિનિયર નેતાઓમાં એક પછી એક નારાજગીનો સુર વહેતો થયો છે 2019ની ચૂંટણી પહેલા કોંગ્રેસના દિગ્ગજ નેતાઓની નારાજગી પાર્ટી માટે ખતરાની ઘંટી સમાન મનાય છે ઉત્તર ગુજરાતના ટોચના નેતા જીવાભાઈ પટેલના રાજીનામાં બાદ ગુજરાત કોંગ્રેસના વરિષ્ઠ નેતા કુંવરજી બાવળિયાએ પણ સ્વીકાર્યું કે તેઓ પાર્ટીમાં અવગણનાથી નારાજ છે. પોતાની નારાજગી દૂર કરવા માટે તેઓ દિલ્હી પહોંચ્યા હતા. અહીં તેઓએ કોંગ્રેસ અધ્યક્ષ રાહુલ ગાંધી સાથે મુલાકાત કરી હતી.

 કુંવરજી બાવળીયાએ કહ્યું કે પક્ષમાં અવગણના થાય તો નારાજગી ચોક્કસ અનુભવાય. જે પક્ષ માટે નિષ્ઠા અને પ્રામાણિકતાથી કામ કર્યું તે પક્ષ જે જવાબદારી સોંપે તે વાતને તો સમજ્યા પણ જ્યારે અવગણના સામે આવે ત્યારે દુખ થાય.

  કુંવરજીએ વાતનો પણ ઉલ્લેખ કર્યો કે અત્યારસુધી પક્ષ માટે કામ કર્યું છે પણ જ્યારે અવગણના અનુભવાય એટલે નારાજગીનો અહેસાસ થાય. જસદણમાં કોંગ્રેસનો ગઢ ગણવામા આવે છે. મોદી લહેર હોવા છતા અહીં કોળી નેતા કુંવરજીભાઇ બાવળિયાનો દબદબો રહ્યો છે. પાર્ટીના સિનિયર નેતા પણ ગણવામા આવે છે. જો કે તેના સિનિયર પદનો યોગ્ય ઉપયોગ નથી થતો તેની અવગણના થઇ રહી હોય તેવું લાગે છે.

(12:01 am IST)
  • આપને જાણીને નવાઈ લાગશે કે, ઉત્તર અમેરિકાના દરિયામાં જોવા મળતા હોર્સશેઉ ક્રેબના નામથી ઓળખાતા કરચલાના લોહીની કિંમત 10 લાખ રૂપિયા પ્રતિલીટર છે. જી હા આ કરચલાનું લોહી એટલા માટે મોંઘુ છે કેમ કે તેનો ઉપયોગ માણસના શરીરમાં રહેલા હાનિકારક બેક્ટેરિયાને શોધવા માટે થાય છે. જેથી તે માણસ માટે અમૃત સમાન છે. આ કરચલાનું લોહી લાલ નહિં પરંતુ વાદળી રંગનું હોય છે. access_time 12:52 am IST

  • પાકિસ્તાનની બે મહિલા પાયલટે એવું કારનામુ કરી બતાવ્યુ છે કે સોશિયલ મીડિયામાં તેની વાહ વાહી થઈ રહી છે. આ બંનેનું નામ છે કેપ્ટન મરિયમ મસૂદ અને ફર્સ્ટ ઓફિસર શુમાયલા મજહર. આ બંનેએ તાજેતરમાં જ ડેથ ઝોન તરીકે ઓળખતા ગિલગીટ વિસ્તારમાં23 હજાર ફૂટ ઉંચે પહોડો વચ્ચેથી પ્લેનને ઉડાવી બતાવ્યુ છે. આ પ્લેને ઇસ્લામાબાદથી ટેક-ઓફ કરી ગિલગીટ-બાલ્ટિસ્તાનથી પરત ફર્યુ હતું. access_time 12:52 am IST

  • દક્ષિણ ગુજરાતમાં ચોમાસું સક્રિય થઈ ગયું : આજે સવારથી જ સુરત, વાપી, વલસાડ તેમજ દક્ષિણ ગુજરાતના અનેક ભાગોમાં વરસાદ વરસી રહ્યો છે. સુરતમાં પણ સવારથી જ વરસાદ પડતા વાતાવરણ પ્રફુલ્લીત થઈ ગયું હતું, અને લોકોએ વરસાદની મોજ માણી હતી. access_time 5:02 pm IST