Gujarati News

Gujarati News

News of Saturday, 23rd May 2020

બપોરે રિપોર્ટ નેગેટિવ અને સાંજે રિપોર્ટ પોઝિટિવ

એસવીપીની બેદરકારી સામે આવી

અમદાવાદ, તા. ૨૩ : અમદાવાદમાં કોરોના વાઈરસના કેસની સાથે મોતના આંકડા પણ વધી રહ્યા છે. ત્યારે અમદાવાદની એસવીપી હોસ્પિટલની એક મોટી બેદરકારી સામે આવી છે. દર્દીનો કોરોના ટેસ્ટ પોઝિટીવ આવવાની જાણ કરવાથી લઈને હોસ્પિટલમાં દાખલ કરવાને લઈને એસવીપી હોસ્પિટલની મોટી બેદરકારી સામે આવી છે. હાટકેશ્વર વિસ્તારમાં રહેતા હર્ષ અસરાનીનો એક વીડિયો સામે આવ્યો છે. હર્ષના પિતાને બપોરે રિપોર્ટ નેગેટિવ હોવાનું કહીને ઘરે મોકલી દીધા અને એસવીપી હોસ્પિટલે દર્દી રાત્રે પોઝિટીવ હોવાનું કહી ફરી દાખલ કર્યા. ત્યારે તંત્રની બેદરકારીથી આખા પરિવારને કોરોના થયો છે. ત્યારે એસવીપીએ સ્પષ્ટતા કરતાં કહ્યું કે, બે વ્યક્તિના નામ સરખા હોવાથી સમસ્યા થઈ હતી.

(9:41 pm IST)
  • ભારતમાં કોરોનાએ ફૂફાડો ફેલાવ્યો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6523 કેસ વધ્યા : રાત્રે 12 વાગ્યા સુધીમાં દેશમાં કોરોનાના 1,24,747 કેસ નોંધાયા : 69,207 એક્ટિવ કેસ : 51,807 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3726 થયો :મહારાષ્ટ્રમાં સૌથી વધુ નવા 2940 કેસ અને તામિલનાડુમાં 786 કેસ વધ્યા :દિલ્હીમાં 660 નવા કેસ નોંધાયા access_time 12:45 am IST

  • સુપ્રસિદ્ધ એસ્ટ્રોલોજર બેજાન દારૂવાલાને કોરોના પોઝીટીવઃ એપોલોમાં દાખલ : ૮૯ વર્ષના ખૂબ જ જાણીતા એસ્ટ્રોલોજર શ્રી બેજાન દારૂવાલાને કોરોનાનો ટેસ્ટ પોઝીટીવ આવતા તેમના હજારો - લાખો ચાહકો ચિંતામાં મૂકાયા છે : તેઓ ખૂબ જ જાણીતા કોલમીસ્ટ છે : સંખ્યાબંધ પુસ્તકો લખેલા છે : તેમની ગણેશા સંસ્થા ખૂબ પોપ્યુલર છે : અમદાવાદમાં રહે છે : તેમને એપોલો હોસ્પિટલમાં દાખલ કર્યા છે : તેમના પી.એ. શ્રી ચિરાગભાઈનો (મો.૮૧૪૧૨ ૩૪૨૭૫) ઉપર સંપર્ક કરવા પ્રયાસ કરતા ફોન ઉપાડેલ નહિં. access_time 2:15 pm IST

  • ભારતમાં કોરોનાએ ભરડો લીધો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6663કેસ વધ્યા : રાત્રે 12 વાગ્યા સુધીમાં દેશમાં કોરોનાના 1, 31,423 કેસ નોંધાયા : 73,162 એક્ટિવ કેસ : 54,385 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3868 થયો :મહારાષ્ટ્રમાં સૌથી વધુ નવા 26080 કેસ અને તામિલનાડુમાં 759 કેસ વધ્યા :દિલ્હીમાં 591 નવા કેસ નોંધાયા access_time 12:39 am IST