Gujarati News

Gujarati News

News of Saturday, 23rd May 2020

ડાકોરના ડુંગરા ભાગોળ વિસ્તારમા જુગાર રમતા બે શખ્સો પોલીસને હાથે ઝડપાયા:22હજારની રોકડ જપ્ત

ડાકોર: શહેરના ડુંગરા ભાગોળ વિસ્તારમાં નવી નગરી પાસે આવેલ ધીરૃભાઈ પટેલના પડતર ખેતરના શેઢા ઉપર કેટલાક ઈસમો ભેગા થઈ જુગાર રમતાં હોવાની માહિતી ડાકોર પોલીસને મળી હતી. જેથી પોલીસની ટીમે ગતરોજ સાંજના સમયે દરોડો પાડયો હતો. જ્યાં લીમડાંના ઝાડ નીચે છાંયડામાં જુગાર રમતા ઈસમો પોલીસને જોઈ ભાગવા લાગ્યાં હતાં. આ નાસભાગ દરમિયાન દિલિપભાઈ ખોડાભાઈ હરીજન અને દિનેશભાઈ ઉર્ફે બોડો મેલાભાઈ વસાવા સહિત કેટલાક ઈસમો પોલીસને ચકમો આપી ખેતરાળ રસ્તે ભાગી છૂટવામાં સફળ બન્યાં હતાં.

જો કે પોલીસે સ્થળ પરથી બળવંતભાઈ ઉર્ફે ખોડો રમેશભાઈ હરીજન અને અજયભાઈ મનુભાઈ વસાવાને પત્તાપાનાનો જુગાર રમતાં રંગેહાથે ઝડપી પાડયા હતાં. પકડાયેલા આ બંને ઈસમોની અંગજડતીમાંથી રૃ.૨૨,૧૦૦ તેમજ દાવ પરથી રૃ.૫૬૦ મળી કુલ રૃ.૨૨,૬૬૦ ની રોકડ મળી આવી હતી. જે પોલીસે જપ્ત કરી પકડાયેલા બળવંતભાઈ ઉર્ફે ખોડો રમેશભાઈ હરીજન અને અજયભાઈ મનુભાઈ વસાવા તેમજ ભાગી છુટેલા પૈકી ઓળખાયેલા દિલિપભાઈ ખોડાભાઈ હરીજન અને દિનેશભાઈ ઉર્ફે બોડો મેલાભાઈ વસાવા મળી કુલ ચાર શખ્સો સામે જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.

(5:56 pm IST)
  • અમદાવાદના નિકોલથી આટકોટમાં 2 દિવસ પહેલા રહેવા આવેલા 45 વર્ષના લેઉઆ પટેલ પુરુષને કોરોના પોઝીટીવ આવતા તંત્રમાં દોડધામ access_time 10:21 pm IST

  • ભારતમાં કોરોનાએ ભરડો લીધો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6663કેસ વધ્યા : રાત્રે 12 વાગ્યા સુધીમાં દેશમાં કોરોનાના 1, 31,423 કેસ નોંધાયા : 73,162 એક્ટિવ કેસ : 54,385 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3868 થયો :મહારાષ્ટ્રમાં સૌથી વધુ નવા 26080 કેસ અને તામિલનાડુમાં 759 કેસ વધ્યા :દિલ્હીમાં 591 નવા કેસ નોંધાયા access_time 12:39 am IST

  • ભારે વરસાદ માટે પણ અપાયેલ તાકિદઃ આવતીકાલે પશ્ચિમ બંગાળ, સિકકીમ, આસામ, મેઘાલય અને અરૂણાચલ પ્રદેશમાં ભારે વરસાદની હવામાન તંત્રે આગાહી કરી છે access_time 10:27 am IST