Gujarati News

Gujarati News

News of Saturday, 23rd May 2020

સુરતના રેડ ઝોન એવા રાંદેરમાં કાર લઈને નીકળેલ દંપતીએ મહિલા પોલીસ સાથે માથાકૂટ કરી દાદાગીરી કરતા દંપતીની ધરપકડ:ગુનો દાખલ

સુરત: શહેરમાં રેડ ઝોન રાંદેરમાં કરફ્યુના સમયે કાર લઈને નીકળેલા દંપતિએ મહિલા પોલીસ સાથે માથાકુટ કરીને દાદાગીરી કરી લોકોને ભેગા કરી દેતા દંપતી સામે ગુનો દાખલ કરી ધરપકડ કરી હતી.

પોલીસ સૂત્રો દ્વારા પ્રાપ્ત થતી વિગતો મુજબ રાંદેર પોલીસ ગતસાંજે મહાનગરપાલિકાએ રેડ ઝોન જાહેર કરેલા રાંદેર પીપરડીવાળા સ્કુલ ત્રણ રસ્તા પાસે ફ્કિસ પોઈન્ટ ઉપર 7.15 ના અરસામાં એક કાર ( નં. જીજે-19-એએફ-9355 ) માં એક દંપતિ આવતા વુમન લોકરક્ષક પ્રિયંકાબેને અટકાવતા કારમાંથી નીચે ઉતરી દંપતિએ ગાળો બોલવા માંડી હતી. જેથી તેમને ક્યાં જાઓ છો ? કરફ્યુનો સમય શરૂ થઇ ગયો છે કહેવાતા યુવાને હું કોણ છું, તમે ઓળખતા નથી અને તમે પોલીસવાળા અમને કેમ પુછપરછ કરો છો કહી ઉંચા અવાજે બોલી લોકોને ભેગા કર્યા હતા. અન્ય પોલીસકર્મીઓએ દંપતિને સમજાવવા પ્રયાસ કર્યો હતો પરંતુ તેમણે માથાકૂટ ચાલુ રાખતા છેવટે રાંદેર પોલીસ સ્ટેશનમાં જાણ કરતા પોલીસ સ્થળ ઉપરથી દંપતિને પોલીસ મથકે લઇ ગઈ હતી. પુછપરછમાં દંપતીની ઓળખ સાદાબ શબ્બીર ગોડીલ અને પત્ની ઝોહરા ( બંને રહે. 401, કાસીમ એપાર્ટમેન્ટ, વખાર ઓલી સ્ટ્રીટ રાંદેર, સુરત ) તરીકે થઇ હતી. રાંદેર પોલીસે બંને વિરુદ્ધ ગુનો નોંધી ધરપકડ કરી વધુ કાર્યવાહી હાથ ધરી હતી.

(5:54 pm IST)
  • પાકિસ્તાનમાં વિમાની દુર્ઘટનાથી ભારતના વડાપ્રધાન શ્રી મોદી દ્રવિત : એકસો જેટલા નિર્દોષ નાગરિકોના મોત બદલ દુઃખ વ્યક્ત કર્યું : ઇજાગ્રસ્તો સાજા થાય તે માટે દુવા માંગી access_time 12:15 pm IST

  • સુપ્રસિદ્ધ એસ્ટ્રોલોજર બેજાન દારૂવાલાને કોરોના પોઝીટીવઃ એપોલોમાં દાખલ : ૮૯ વર્ષના ખૂબ જ જાણીતા એસ્ટ્રોલોજર શ્રી બેજાન દારૂવાલાને કોરોનાનો ટેસ્ટ પોઝીટીવ આવતા તેમના હજારો - લાખો ચાહકો ચિંતામાં મૂકાયા છે : તેઓ ખૂબ જ જાણીતા કોલમીસ્ટ છે : સંખ્યાબંધ પુસ્તકો લખેલા છે : તેમની ગણેશા સંસ્થા ખૂબ પોપ્યુલર છે : અમદાવાદમાં રહે છે : તેમને એપોલો હોસ્પિટલમાં દાખલ કર્યા છે : તેમના પી.એ. શ્રી ચિરાગભાઈનો (મો.૮૧૪૧૨ ૩૪૨૭૫) ઉપર સંપર્ક કરવા પ્રયાસ કરતા ફોન ઉપાડેલ નહિં. access_time 2:15 pm IST

  • જમ્મુમાં ભારે બરફવર્ષા બાદ ૪૧.૫ જેટલી જોરદાર ગરમીનો કહેર : આ વર્ષે રેકોર્ડબ્રેક બરફવર્ષા બાદ જમ્મુમાં હવે ગરમી કહેર વરસાવી રહી છેઃ જમ્મુમાં શુક્રવારે ગુરૂત્તમ તાપમાન ૪૧.૫ ડિગ્રી અને લઘુતમ ૨૨.૨ ડિગ્રી તાપમાન નોંધાયેલ હોવાનું હવામાન ખાતાએ જણાવેલઃ હવામાન ખાતાએ વધુમાં જણાવેલ કે મે ના અંત સુધીમાં જમ્મુમાં તાપમાન ૪૫ ડિગ્રી સુધી પહોંચી શકે છે access_time 3:25 pm IST