Gujarati News

Gujarati News

News of Saturday, 23rd May 2020

નર્મદાના નીરથી રપ ડેમો, ૧ર૦ જળાશયો ભરાશેઃ રાજયમાં ૩ લાખ ઉદ્યોગો ધમધમ્યા : રપ લાખ શ્રમિકોને રોજગારી

કાલે માસ્ક પહેરેલી સેલ્ફી લઇને સોશ્યલ મીડિયામાં મુકો : ઉદ્યોગોમાં સામાન્ય દિવસોમાં વપરાતી વીજળીનો ૮ર ટકા વપરાશ અત્યારેઃ અશ્વિનીકુમાર

રાજકોટ, તા. ર૩ :  રાજય સરકારે સૌની યોજના અંતર્ગત લોકોને પીવાના પાણીની દૃષ્ટિએ ઉનાળો હેમખેમ પાર ઉતરાવા સૌરાષ્ટ્રનાં ડેમો અને ચેકડેમોને નર્મદાના નીરથી ભરવાનું નક્કી કર્યુ છે. મુખ્યમંત્રી શ્રી વિજયભાઇ રૂપાણીના આ નિર્ણયની વિગતવાર માહિતી આજે તેના સચિવ શ્રી અશ્વિનીકુમારે આપી છે. ઉપરાંત  રાજયમાં ૩ લાખ જેટલા ઉદ્યોગો ધમધમતા થઇ ગયાનું તેમણે જણાવ્યું હતું.

શ્રી અશ્વિનીકુમારે જણાવેલ કે સૌની યોજના સૌરાષ્ટ્ર માટે જીવાદોરી સમાન છે. તેના અંતર્ગત સૌરાષ્ટ્રનાં રપ થી વધુ જળાશયો, ૧ર૦ તળાવો અને ૪૦૦ ચેકડેમો, ૪ હજાર મીલીયન ઘન ફૂટ પાણીથી ભરવામાં આવશે.  તેની એક લીંકનો પ્રારંભ થઇ ગયો છે. ૩ લીંકમાંથી પાણી હવે પછી છોડાશે.

મુખ્યમંત્રીના સચિવએ જણાવેલ કે લોકડાઉનમાં તબક્કાવાર છુટછાટ અપાયા પછી અત્યારે રાજયમાં ૩ લાખ જેટલા ઉદ્યોગ એકમો શરૂ થઇ ગયા છે જેમાં રપ લાખથી વધુ શ્રમિકો રોજગારી મેળવી રહ્યા છે. ઉદ્યોગોમાં દરરોજની ૭પ૦૦ મેગાવોટ વિજળી વપરાય રહી છે. સામાન્ય દિવસોમાં જેટલો વીજ વપરાશ થતો હોય તેના પ્રમાણમાં આ ૮ર% વપરાશ છે. આંકડાઓ દર્શાવે છે કે રાજયમાં ઉદ્યોગિક ગતિવિધીઓ વધી રહી છે. બાંધકામનાં ર૬૪ પ્રોજકટ ચાલુ થઇ ગયા છે. જેમાં ર૧૭ર૭ શ્રમિકો કાર્યરત છે.

તેમણે જણાવેલ કે હું પણ કોરોના વોરિયર અભિયાન અંતર્ગત આજે જાણીતા મ્યુઝિક કમ્પોઝર સચિન જીગર સાંજે ૬ થી ૬.ર૦ વચ્ચે ઓનલાઇન પોતાના વિચારો વ્યકત કરશે. આવતીકાલે પરિવારના સભ્યો સાથે માસ્ક પહેરી સેલ્ફી લઇ તે સોશ્યલ મીડીયા પર અપલોડ કરવામાં આવે તેવી મુખ્યમંત્રી વિજયભાઇ રૂપાણીની અપીલ છે.

(3:58 pm IST)
  • મૈસુર અને બેંગ્લુરૂ નજીક વાવાઝોડા જેવું તોફાન પહોંચ્યાનું જાણીતા વેધર વોચર કેન્ની જણાવી રહ્યા છે access_time 11:32 am IST

  • ભારતમાં કોરોનાએ ફૂફાડો ફેલાવ્યો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6523 કેસ વધ્યા : રાત્રે 12 વાગ્યા સુધીમાં દેશમાં કોરોનાના 1,24,747 કેસ નોંધાયા : 69,207 એક્ટિવ કેસ : 51,807 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3726 થયો :મહારાષ્ટ્રમાં સૌથી વધુ નવા 2940 કેસ અને તામિલનાડુમાં 786 કેસ વધ્યા :દિલ્હીમાં 660 નવા કેસ નોંધાયા access_time 12:45 am IST

  • લોકડાઉન દરમ્યાન મૂકેશ અંબાણીએ એકઠા કર્યા રૂ. ૬૪૦૦૦ કરોડ : દેશવ્યાપી લોકડાઉન દરમ્યાન એશિયાના સૌથી શ્રીમંત વ્યકિત મુકેશ અંબાણીએ એવું કરી બતાડયું જે અંગે વિશ્વના ટોચના ઉદ્યોગપતિઓ પણ વિચારી ન શકે : લોકડાઉનના ૧ માસમાં તેમણે ૧૦ અબજ ડોલર એટલે કે ૬૪૦૦૦ કરોડ રૂપિયા મેળવ્યા છે આ રકમ તેમણે જિયોપ્લેટફોર્મ માટે મેળવ્યા છે : સર્વત્ર કામકાજ ઠપ્પ હતું ત્યારે તેમણે આ કામ નિપટાવ્યું : અમેરિકી કંપની કેકેઆર એન્ડ કંપનીએ જિયોમાં ૧૧૩.૭ અબજ રૂપિયા રોકવા જણાવ્યું છે તે ર.૩ ટકા હિસ્સેદારી ખરીદી રહ્યું છે : અંબાણીએ માર્ચ સુધીમાં રિલાયન્સને દેવામાંથી મુકત કરવાની જાહેરાત કરી છે access_time 3:25 pm IST