Gujarati News

Gujarati News

News of Saturday, 23rd May 2020

'મોર બની થનગાટ કરે...' ઓસમાણ મીરનો જન્મદિન

રાજકોટઃ સુપ્રસિધ્ધ ગુજરાતી લોકગીત ગાયક- સ્વર સમ્રાટ ઓસમાણ મીરનો જન્મદિવસ ગઇકાલે હતો. અનેક મિત્રો, શુભેચ્છકોએ અભિનંદન વર્ષા કરી હતી. આંધ્રપ્રદેશના રાજયસભાના સભ્ય શ્રી પરિમલ નથવાણીએ તેમના ટવીટર હેન્ડલ ઉપર ઓસમાણભાઇને શુભેચ્છા પાઠવી હતી

રાજકોટ, તા.૨૩: જાણીતા લોકગાયક શ્રી ઓસમાણ મીરનો ગઇકાલે તા.૨૨મેનાં રોજ જન્મદિવસ હતો. શ્રી ઓસમાણ મીરનો જન્મ કચ્છનાં નાના એવા ગામ વાયોરમાં તા.૨૨-૫-૧૯૭૪નાં રોજ થયો હતો. તેમના પિતાશ્રી હુસેનભાઇ મીર અને દાદાશ્રી અલ્લારખાભાઇ મીર ખૂબ જ જાણીતા તબલાવાદક હતાં. તેમણે નાનપણથી જ સંગીતના ગુણો વારસામાં મળ્યા હતા.શ્રી ઓસમાણ મીરએ સ્વર્ગસ્થ શ્રી નારાયણ સ્વામી સાથે તબલાવાદક તરીકે જોડાઇને કારકિર્દીનો પ્રારંભ કર્યો હતો. ત્યારબાદ શ્રી ઓસમાણ મીરએ ગાયન ક્ષેત્રે ઝંપલાવ્યુ હતુ. ઓસમાણ મીરને સંજય લીલા ભણશાલીની ફિલ્મ 'મોર બની થનગાટ કરે' ગીતમાં પોતાનો સ્વર આપવાનો મોકો મળ્યો હતો. ત્યારબાદ તેઓ ગાયન ક્ષેત્રમાં વધુ છવાઇ ગયા હતા.

શ્રી ઓસમાણ મીર ભારતીય લોક સંસ્કૃતિને ધબકતી રાખવા માટે દેશ વિદેશમાં લોકડાયરા, ભજન, ગઝલોનાં કાર્યક્રમો રજૂ કરી રહ્યા છે. શ્રી ઓસમાણ મીર (મો.૯૮૨૫૨ ૯૬૯૯૮)

(3:30 pm IST)
  • 'અંફાન' વાવાઝોડાએ સર્જેલ ખાનાખરાબીનું નિરીક્ષણ અને કયાસ કાઢવા વડાપ્રધાન શ્રી નરેન્દ્રભાઈ મોદી આજે ઓડીશા પહોંચ્યા હતા. મુખ્યમંત્રી નીતિશકુમારે તેમને આવકારેલ અને નિરીક્ષણ માટે સાથે રવાના થયેલ. access_time 11:12 am IST

  • ભારતમાં કોરોનાએ ભરડો લીધો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6663કેસ વધ્યા : રાત્રે 12 વાગ્યા સુધીમાં દેશમાં કોરોનાના 1, 31,423 કેસ નોંધાયા : 73,162 એક્ટિવ કેસ : 54,385 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3868 થયો :મહારાષ્ટ્રમાં સૌથી વધુ નવા 26080 કેસ અને તામિલનાડુમાં 759 કેસ વધ્યા :દિલ્હીમાં 591 નવા કેસ નોંધાયા access_time 12:39 am IST

  • અમદાવાદના નિકોલથી આટકોટમાં 2 દિવસ પહેલા રહેવા આવેલા 45 વર્ષના લેઉઆ પટેલ પુરુષને કોરોના પોઝીટીવ આવતા તંત્રમાં દોડધામ access_time 10:21 pm IST