Gujarati News

Gujarati News

News of Saturday, 23rd May 2020

મુસાફરો માટે આનંદ : શનિવારથી રાજપીપળા એસટી ડેપો માંથી ભરૂચ,સુરતની બસ દોડતી થશે

ત્રણ દિવસથી જિલ્લા પૂરતી 22 જેટલી ટ્રીપો શરૂ થઈ હતી,જોક તેમાં એસટી વિભાગને ખોટ જ જતી હતી ત્યારે હવે ભરૂચની બે અને સુરતની એક બસ દોડશે

(ભરત શાહ દ્વારા)રાજપીપળા : લગભગ બે મહિનાથી લોકડાઉનના કારણે વાહન વ્યવહાર બંધ થયા બાદ સમગ્ર રાજ્યમાં એસટી બસોના પૈડાં પણ થંભી ગયા હતા જે લોકડાઉન-૪ અમલમાં આવતા છેલ્લા 3 દિવસથી અમુક જિલ્લામાં જિલ્લા પૂરતી એસટી બસો શરૂ કરવામાં આવી હતી રાજપીપળા એસટી ડેપો માંથી પણ નર્મદા જિલ્લામાં અમુક રૂટ અને એક ધરમપુર રૂટની મળી 22 જેવી ટ્રીપો શરૂ થઈ જોકે નિયમ મુજબ સોસીયલ ડિસ્ટન્સ રાખવાના કારણે એક બસ માં 60% જ મુસાફરો બેસાડવાના હોય તેમાં પણ અડધી બસો ખાલી જતા લગભગ દરેક રૂટ માં ખોટ જ જતી હતી ત્યારે રાજપીપળા એસટી ડેપો માંથી શનિવાર થી ભરૂચ જવા માટે બે બસો અને એક બસ સુરત માટે શરુ કરવામાં આવશે ત્યારે મુસાફરો માટે આનંદ ના સમાચાર કહી શકાય.

 રાજપીપળા એસટી ના ડેપો મેનેજર પી.પી.ધામા એ જણાવ્યું કે શુક્રવારે સવારે ભરૂચ માટે એક બસ મોકલી હતી અને શનિવાર થી સવારે ૭ વાગે અને ૧૦ વાગે આમ બે બસો ભરૂચ જશે જ્યારે સવારે ૮:૩૦ કલાકે એક બસ સુરત પણ ઉપડશે આમ શનિવાર થી ભરૂચ,સુરત ની 3 બસો શરૂ કરવામાં આવી છે.

(8:16 pm IST)
  • ૪થી જુન આસપાસ કેરળમાં જોરદાર ચોમાસુ બેસી જશેઃ ઇન્ડિયન મોન્સુનના ખાનગી ટવીટર હેન્ડલ ઉપર કહ્યું છે કે તમામ મોડલો એવો નિર્દેશ આપે છે કે ૪થી જુન આસપાસ કેરાલા ઉપર જોરદાર ચોમાસુ બેસી જશે. અરબી સમુદ્રમાં ડીપ્રેશન-હવાનું દબાણ સર્જાય તેવી શકયતા છે જે યમન તરફ આગળ વધી જવા સંભાવના છે જો કે તેને લીધે કેરળમાં વરસાદ આવશે access_time 10:26 am IST

  • આજે પ્રચંડ હિટવેવની હવામાનની ચેતવણીઃ ભારતીય હવામાન તંત્ર રાજસ્થાન, એમપી, તેલગણા, આંધ્ર અને ઉ.પ્ર. પ્રચંડ હિટવેવની ચેતવણી આપી છે. આંધ્રમાં ૪૪થી ૪૮ ડિગ્રી સુધી તાપમાન જવા ભીતી દર્શાવી છે. access_time 10:26 am IST

  • લોકડાઉન દરમ્યાન મૂકેશ અંબાણીએ એકઠા કર્યા રૂ. ૬૪૦૦૦ કરોડ : દેશવ્યાપી લોકડાઉન દરમ્યાન એશિયાના સૌથી શ્રીમંત વ્યકિત મુકેશ અંબાણીએ એવું કરી બતાડયું જે અંગે વિશ્વના ટોચના ઉદ્યોગપતિઓ પણ વિચારી ન શકે : લોકડાઉનના ૧ માસમાં તેમણે ૧૦ અબજ ડોલર એટલે કે ૬૪૦૦૦ કરોડ રૂપિયા મેળવ્યા છે આ રકમ તેમણે જિયોપ્લેટફોર્મ માટે મેળવ્યા છે : સર્વત્ર કામકાજ ઠપ્પ હતું ત્યારે તેમણે આ કામ નિપટાવ્યું : અમેરિકી કંપની કેકેઆર એન્ડ કંપનીએ જિયોમાં ૧૧૩.૭ અબજ રૂપિયા રોકવા જણાવ્યું છે તે ર.૩ ટકા હિસ્સેદારી ખરીદી રહ્યું છે : અંબાણીએ માર્ચ સુધીમાં રિલાયન્સને દેવામાંથી મુકત કરવાની જાહેરાત કરી છે access_time 3:25 pm IST