Gujarati News

Gujarati News

News of Friday, 23rd April 2021

નવસારી કૃષિ યુનિવર્સિટીના વિદ્યાર્થીઓ દ્વારા પક્ષીઓ માટેની પ્રેરક સેવા

રાજકોટ : ઉનાળાના ધોમધખતા તાપમાં માણસ પણ પાણી માટે વલખા મારતો હોય છે. ત્યારે અબોલ પશુ પંખીઓની આ જરૂરીયાત પુરી કરવા અસ્પી બાગાયત વનીય મહાવિદ્યાલય નવસારી કૃષિ યુનિવર્સિટીના એક વિદ્યાર્થીની ૨૦૧૫ થી શરૂ થયેલ પહેલ બીજા વિદ્યાર્થીઓએ પણ જાળવી પશુ પંખી માટે ખોરાક પાણીની સરસ વ્યવસ્થા કરી છે. આ શરૂઆત વિજયભાઇ સોલંકી કે જેઓ હાલ મદદનીશ બાગાયત નિયામક વર્ગ-ર અધિકારી તરીકે સુરેન્દ્રનગરમાં ફરજ બજાવે છે તેઓએ કરી હતી. વૃક્ષો પર પાણીના કુંડા બાંધી સમયસર પાણી ભરવુ અને ખોરાક મુકવાની તેમણે શરૂ કરેલ આ  પ્રથા આજે પણ જુનીયરો જાળવી રહ્યા છે. વિદ્યાલયના ૨૨૭૮ એકરમાં ફેલાયેલ કેમ્પસ પરના જુદા જુદા વૃક્ષો પર વિદ્યાર્થીઓ દ્વારા કુંડા લટકાવી તેમાં સમયસર પાણી ભરવામાં આવે છે. દર વર્ષની જેમ આ વર્ષે પણ વિદ્યાર્થીઓ મૌલિક એચ. અમલાણી (પીએચ.ડી. કેમેસ્ટ્રી), સુરેલા વિપુલ પીએચ.ડી. હોર્ટીકલ્ચર), મલહાર પટેલ (પીએચ.ડી. હોર્ટીકલ્ચર) દ્વારા પક્ષીઓ માટે કુંડા મેઇન્ટેન કરવાની સેવા હાથ ધરવામાં આવી રહી છે. તેમ મૌલિક અમલાણી (મો.૭૭૭૭૯ ૨૫૧૦૭) ની યાદીમાં જણાવાયુ છે.

(11:29 am IST)
  • ગૃહમંત્રી અમિત શાહની અમદાવાદ મુલાકાત દરમ્યાન મોટી જાહેરાત : તાત્કાલિક ધોરણે ગાંધીનગરમાં બનશે નવી 1200 બેડની કોવિડ હોસ્પિટલ : કોરોના દર્દીઓ ને સારવાર મળે તે માટે ટોલ ફ્રી નંબર પણ ૨ દિવસ માં શરૂ થશે. access_time 7:50 pm IST

  • ગુજરાતનું ગૌરવ સમાન રાજકોટના વરિષ્ઠ અને મહાન ધારાશાસ્ત્રી શ્રી નિરંજનભાઇ એસ. દફતરીનું આજરોજ તા.23/04/'21ના રોજ મોડી રાત્રે દુઃખદ નિધન થયું છે. કોરોનાએ વધુ એક દિવ્ય રત્ન છીનવી લીધું... access_time 11:22 pm IST

  • દિલ્હીમાં ઓક્સિજન પ્લાન્ટ નથી તો શું દિલ્હીના લોકોને ઓક્સિજન નહીં મળે ? : મુખ્ય મંત્રીઓ સાથેની મિટિંગમાં કેજરીવાલનો વડાપ્રધાનને વેધક સવાલ : દિલ્હીમાં આવી રહેલા ઓક્સિજન ટેન્કર અધવચ્ચે રોકાઈ જાય છે : આ માટે મારે કોની સાથે વાત કરવાની છે તે જણાવો : દેશમાં વધી રહેલી ઓક્સિજનની તંગીને ધ્યાને લઇ ઓક્સિજન પ્લાન્ટ સૈન્યને સોંપી દેવા અનુરોધ કર્યો access_time 1:12 pm IST