Gujarati News

Gujarati News

News of Friday, 23rd April 2021

માતા હોસ્પિટલ બહાર કરગરતી રહી કે, 'મારા દીકરાને એડમિટ કરોઃ એ પોઝિટિવ છે' પણ તંત્ર તમાશો જોતું રહ્યું

૧૦૮ વગર આવતા દર્દીઓને હોસ્પિટલમાં પ્રવેશ નહિ અપાય તેવુ લાચાર માતાને કહેવામાં આવ્યું હતું: રિપોર્ટ પોઝિટિવ હોવા છતાં હોસ્પિટલે દીકરાને એડમિટ કરવા નનૈયો ભર્યો

અમદાવાદ, તા.૨૩: કોરોનામાં માનવતા મરી પરીવાર હોય તેવા દ્રશ્યો ઠેરઠેર જોવા મળી રહ્યાં છે. ખાસ કરીને તંત્રના કાન બહેરા અને આંખે અંધાપો આવ્યો હોય તેવુ ખાસ જોવા મળ્યું છે. સરકાર દર્દીઓને મરવા માટે છોડી રહી છે. ત્યારે દર્દીઓની મજબૂરીને અનેક દ્રસ્યો રોજ જોવા મળી રહ્યાં છે. અમદાવાદની મ્યુનિસિપલ કોર્પોરેશન સંચાલિત શારદાબેન હોસ્પિટલની બહાર માતા-પુત્રનો એક એવો વીડિયો જોવા મળ્યો છે, જે જોઈને હતાશા થ ઈ આવે.

અમદાવાદના માતા-પુત્રનો આ વીડિયો હાલ સોશિયલ મીડિયા પર વાયરલ થયો છે. કોરોના પોઝિટિવ દર્દી અને તેની માતા શારદાબેન હોસ્પિટલની બહાર રઝળતા જોવા મળ્યા હતા. એક માતા દીકરાને હોસ્પિટલમાં એડમિટ કરવા માટે ખૂબ પ્રયાસ કર્યા પણ કોઈ ફાયદો થયો ન હતો. ૧૦૮ વગર આવતા દર્દીઓને હોસ્પિટલમાં પ્રવેશ નહિ અપાય તેવુ લાચાર માતાને કહેવામાં આવ્યું હતું. રિપોર્ટ પોઝિટિવ હોવા છતાં હોસ્પિટલે દીકરાને એડમિટ કરવા નનૈયો ભર્યો હતો. તેમ ઝી ન્યુઝનો અહેવાલ જણાવે છે.

તંત્રનું આ તે કેવુ વલણ કે દર્દી હોસ્પિટલના દરવાજે હોવા છતાં તેને એડમિટ કરવામાં આવી નથી રહ્યો. પ્રાપ્ત માહિતી અનુસાર, અમદાવાદના ઠક્કરબાપા વિસ્તારમાં રહેતા એક પરિવારનો ૩૫ વર્ષીય પુત્ર કોરોના પોઝિટિવ આવ્યો હતો. ત્યારે લાચાર માતા કરફ્યૂના સમયમાં દીકરાને લઈને શારદાબેન હોસ્પિટલમાં પહોંચી હતી. પરંતુ તેમને જોઈને હોસ્પિટલના કર્મચારીઓએ મુખ્ય દરવાજો બંધ કરી દીધો હતો. માતા બહાર કરગરી રહી હતી કે, મારા દીકરાને એડમિટ કરો, એ પોઝિટિવ છે. પરંતુ નિષ્ઠુર તંત્રએ દરવાજે જ જવાબ આપ્યો હતો કે, ૧૦૮ એમ્બ્યુલન્સમાં આવનારા દર્દીને જ અહી દાખલ કરાશે.

આવામાં માતાએ વલોપાત કરતા કહ્યું હતું કે, કરફ્યૂ હોવાથી ૧૦૮ મળતી ન હતી. તેથી હું લઈને આવી છું. 'મા'લાચાર બની રસ્તા પર બેસી ગઈ હતી. તો બાજુમાં દીકરો પણ ટળવળીને રસ્તા પર પડ્યો હતો. પણ તંત્રના બહેરા કાને કંઈ અથડાયુ ન હતું. તંત્ર દરવાજા પર ઉભા રહીને મા-દીકરાની વ્યથા તમાશો બનીને જોઈ રહ્યુ હતું.

(10:13 am IST)
  • કોરોનાના વધતા સંક્રમણને લઈને વડાપ્રધાન મોદી ૩ બેઠક કરશે : મળતી માહિતી મુજબ પીએમ મોદી મહારાષ્ટ્ર, ઉત્તરપ્રદેશ અને મધ્યપ્રદેશના મુખ્યમંત્રીઓ સાથે બેઠક કરશે : બપોરે ૧૨:૩૦ વાગ્યે ઓક્સિજન સંકટને લઈને બેઠક કરશે : ૧૦ રાજયોના મુખ્યમંત્રીઓ સાથે વડાપ્રધાન મોદીની બેઠક શરૂ access_time 12:15 pm IST

  • કલેકટરની મહત્વની જાહેરાત : રાજકોટમાં ઓક્સિજનનો પ્રશ્ન ૮૦ થી ૯૦% સોલ્વ થઈ ગયો છે : સવારમાં ૧૭ ટન ઓક્સિજન આવી ગયો છે : ૩૩ ટનના બે ટેન્કર કલાકથી બે કલાકમાં આવી જશે અને સાંજ સુધીમાં ૫૦ ટન ઓક્સિજન રાજકોટમાં ઠલવાઈ જશે : ભાવનગરથી ૧૦ ટન ઓક્સિજન સાંજ સુધીમાં આવી જશે : દરેક ટેન્કરમાં ૧૭ થી ૧૮ હજાર મેટ્રીક ટન લીટર ઓક્સિજન હોય છે : રાજકોટને ૧૦ ટનની જરૂરીયાત છે તે મુજબ કાર્યવાહી થઈ રહી છે : ૩૦થી વધુ અધિકારીની ટીમ ઓક્સિજન બાબતે કામ કરી રહી છે : ડે. કલેકટર જે.કે. જગોડા, એડી.કલેકટર જે.કે. પટેલ તથા અડધો ડઝન મામલતદારો અને સ્ટાફ સિવિલ, સમરસ, કેન્સર તથા પ્રાઈવેટ હોસ્પિટલોમાં ઓક્સિજન પહોચે તે અંગે વ્યવસ્થા કરી રહ્ના છે access_time 12:16 pm IST

  • ડાંગના આહવા સ્ટેશનના પીએસઆઇનો કોરોનાએ ભોગ લીધો : પીએસઆઇ યોગેશ અમરેલિયાનું રાજકોટની હોસ્પિટલમાં સારવાર દરમિયાન મૃત્યુ access_time 12:30 am IST