Gujarati News

Gujarati News

News of Saturday, 23rd March 2019

સુરતના ટેક્સટાઇલ્સ ઉદ્યોગકારો સામે 1 કરોડનો દાવો :મોદી,સર્જીકલ સ્ટ્રાઇક,અભિનંદનની તસ્વીર વાળી પ્રિન્ટેડ સાડીની પ્રસિદ્ધિ ભારે પડી

આવી સાડીઓ જે વેપારીઓએ બનાવી છે અથવા વેચાણ કરવામાં આવશે તે તમામને નોટિસ ફટકારવામાં આવશે

 

સુરત: સુરતના ટેક્સટાઇલ્સ ઉદ્યોગકારો સામે એક કરોડનો દાવો મંડાયો છે સુરતમાં વડાપ્રધાન નરેન્દ્રભાઈ  મોદી, સર્જીકલ સ્ટ્રાઈક, એર સ્ટ્રાઈક અને વિંગ કમાન્ડર અભિનંદનની તસ્વીર વાળી પ્રિન્ટ સાડી પર છપાવી પ્રસિદ્ધિ મેળવનારા સુરતના સાડીના વેપારીઓ પર તવાઈ આવી છે. દિલ્હીના વકીલે વડાપ્રધાન મોદીની પ્રિન્ટ વાળી બનાવેલી સાડી સામે આપત્તી વ્યક્ત કરતાં રૂપિયા 1 કરોડનો દાવો કર્યો છે.

   અત્રે ઉલ્લેખનીય છે કે છેલ્લા કેટલાક સમયથી સુરતમાં લોકસભા ચૂંટણી પ્રચાર માટે તૈયાર થતી સાડીઓમાં વડાપ્રધાન મોદી , વિંગ કમાન્ડર અભિનંદન, સર્જીકલ સ્ટ્રાઈક અને એર સ્ટ્રાઈકની તસ્વીર જોવા મળી રહી હતી. જેને ખૂબ પ્રસિદ્ધિ મળી રહી હતીપરંતુ સાડીના વેપારીઓને પ્રસિદ્ધિ ભારે પડી ગઈ છે.

  મળતી વિગત મુજબ દિલ્હીના વકીલ ગૌરવ ગોડે સુરતના વેપારીઓને મુદ્દે નોટિસ ફટકારવાની શરૂ કરી છે. ગૌરવે રૂ.1 કરોડનો દાવો સુરતના ટેક્સટાઇલ ઉદ્યોગકારો પર માંડ્યો છે.

  વકીલ ગૌરવ ગૌડે જણાવ્યું હતું કે, સાડીઓ ઉપર જે પીએમ મોદી અને સૈનિકોની તસ્વીર મુકવામાં આવી છે તે પગની પાસે છે જે આપત્તીજનક છે. જેથી જે 1 કરોડની રકમ છે. તે આર્મી વેલ્ફેર ફંડમાં જમા કરાવવાની રહેશે.સાથેતેઓએ જણાવ્યું હતું કે આવી સાડીઓ જે વેપારીઓએ બનાવી છે અથવા વેચાણ કરવામાં આવશે તે તમામને નોટિસ ફટકારવામાં આવશે.

જે વેપારીને આ પ્રથમ નોટિસ મળી છે તેઓએ નામ ન બતાવવાની શરતે જણાવ્યું કે, તેઓએ માત્ર એક સાડી ખાદી ઉપર બનાવી હતી જેમાં વડાપ્રધાન નરેન્દ્ર મોદીની તસ્વીર હતી.

(11:52 pm IST)