Gujarati News

અરવલ્લી જીલ્લામાં બે દિવસમાં ડુંગર પર અને જંગલ વિસ્તારમાં ઉપરાછાપરી આગ લાગવાના બનાવ બનતા વનવિભાગ તંત્ર સતત દોડાદોડી કરી રહ્યું છે. મોડાસા પંથકમાં દધાલિયા, માથાસુલીયા અને શામળાજી નજીક આગ લાગવાના ૨૪ કલાકથી ઓછા સમયમાં ટીંટોઈ નજીક જોર વિસ્તારના ડુંગરો પર ભીષણ આગ ભભૂકી ઉઠી હતી.

   આગે વિકરાળ સ્વરૂપ ધારણ કરી પવનની ગતિ સાથે પ્રસરતા વિકરાળ સ્વરૂપ ધારણ કર્યું જેના પગલે દૂર દૂર સુધી ધુમાડાના ગોટેગોટા જોવા મળ્યા હતા. સ્થાનિકો અને વનવિભાગના ૧૫ જેટલા કર્મચારીઓ ઘટનાસ્થળે પહોંચી આગ પર કાબુ મેળવવા પ્રયત્નો હાથધર્યા હતા. ડુંગર પર આગ લાગતા વન સંપત્તિને વ્યાપક નુકસાન થયું હતું