Gujarati News

Gujarati News

News of Saturday, 23rd March 2019

નાનીકડી ચોકડી પાસે આઈશરે રિક્ષાને અડફેટે લેતાં બાળકી સહિત બેનાં મોત:ત્રણ લોકોને ઇજા

કડીના નંદાસણનો પરિવાર રિક્ષા લઈને શિયાપુરા જઇ રહ્યો હતો ત્યારે નાનીકડી નજીક ચાર રસ્તા પાસે સામેથી આવતી આઈશર ગાડીના ચાલકે રિક્ષાને ટક્કર મારતાં છ વર્ષની બાળકી સહિત બે લોકોના કરૂણમોત નિપજ્યા છે  જ્યારે ત્રણ જણાને ઈજા પહોંચી હતી. અકસ્માત બાદ ચાલક આઇશર મૂકી ભાગી ગયો હતો.

  નંદાસણ ગામના આલમભાઈ કેશુમીયા મલેક બુધવારે બપોરે તેમના અને પુત્રીના પરિવાર સાથે નંદાસણથી રિક્ષામાં કડીના શિયાપુરા ગામે લગ્ન પ્રસંગે જવા નીકળ્યા હતા. નાનીકડી ચાર રસ્તા પાસે સામેથી આવતી આઈશર ગાડીના ચાલકે ટક્કર મારતાં રિક્ષામાં સવાર આલમભાઈ મલેક (૫૬) અને તેમની ભાણી અફશરબાનુ મલેક (૬) ફંગોળાઇને રોડ પર પટકાયા હતા અને તેમની ઉપર આઈશરનું ટાયર ફરી વળતાં બંનેનાં ઘટના સ્થળે મોત થયાં હતાં.

  જ્યારે રિક્ષામા સવાર અન્ય ત્રણને નાની મોટી ઈજા થતાં સારવાર માટે ખસેડાયા હતા. કડી પોલીસે ટ્રાફિક હળવો કરી બંનેની લાશ કુંડાળ સરકારી હોસ્પિટલમાં પીએમ માટે મોકલી આપી હતી. જ્યારે આઈશર જપ્ત કરી ફરાર ચાલક વિરુદ્ધ ગુનો નોંધવા તજવીજ હાથ ધરી હતી.

(11:40 am IST)
  • યાસીન મલિકના સંગઠન પર પ્રતિબંધથી મહેબુબા મુફ્તી ભડકી ;કહ્યું આ પ્રતિબંધ કાશ્મીરને ખુલી જેલમાં બદલી નાખશે ;જમ્મુ કાશ્મીરના પૂર્વ મુખ્યમંત્રી મહેબુબા મુફ્તીએ યાસીન મલિકના નેતૃત્વવાળા જમ્મુ કાશ્મીર લિબરેશન ફ્રન્ટ પર પ્રતિબંધને હાનિકારક ગણાવ્યું :કહ્યું કે આ પગલાંથી કાશ્મીરને ખુલી જેલમાં બદલી નાખશે :તેનાથી કાઈ હાંસલ નહિ થાય access_time 12:47 am IST

  • ખુમાનસિંહ ચૌહાણની કોંગ્રેસમાં વાપસી દેશનો યુવાન લાલચમાં ફસાયો છે મનદુઃખ થતા કોંગ્રેસ છોડી હતી : દેશની લોકશાહી અત્યારે ખતરામાં છેઃ કોંગ્રેસમાં ઘરવાપસી પર આનંદ છે : એજન્સીઓનો મોટો દુરૂપયોગ : કોંગ્રેસમાં ફરી પૂર્વવત સક્રિય થશે : ખુમાનસિંહ ચૌહાણ સાવલી - વડોદરાના છે access_time 5:32 pm IST

  • શંકરસિંહ વાઘેલાના પુત્ર મહેન્દ્રસિંહ વાઘેલા ૨૬મીએ ભાજપ પ્રવેશ કરશે : સાબરકાંઠામાં વિજય વિશ્વાસ સંમેલનમાં કેસરીયો ખેસ પહેરશે access_time 5:31 pm IST