Gujarati News

સુરત :કપોદ્રા વિસ્તારમાં બેંકમાંથી 4 લાખ રૂપિયા લઈને નીકળેલા એક યુવક પાસેથી બે બાઈક સવારો રૂપિયા ભરેલી બેગ ઝૂંટવી લૂંટારુ નાસી છૂટયા હતા  પોલીસે ઘટનાસ્થળે પહોંચીને તપાસ હાથ ધરી હતી.

આ અંગેની વિગત મુજબ કપોદ્રાના ઝડફિયા સર્કલ પાસે આવેલ મેઈન રોડ પરની  બેંકમાંથી એક યુવક બેંકમાંથી 4 લાખ રૂપિયા ઉપાડીને પોતાની એક્ટિવા પર જઈ રહ્યો હતો.ત્યાં અચનાક પાછળથી 2 અજાણ્યા લોકોએ બાઈક પર આવીને અને યુવક પાસેની રૂપિયા ભરેલી બેગ ઝૂંટવીને ભાગી છૂટ્યા હતા. બેગ ઝૂંટવવાના બનાવમાં યુવક એક્ટિવા પરથી નીચે પડી ગયો હતો.

   આ ઘટનાની જાણ નજીકના પોલીસ મથકે થતાં જ પોલીસ કાફલો ઘટના સ્થળે આવી પહોચ્યો હતો અને તપાસ હાથ હાથ ધરી હતી.જો કે આ ઘટનાને અંજામ આપનારા અજાણ્યા બંન્ને શખ્સોની ઓળખ કરવા નજીકના CCTV પણ તપાસ્યા હતા.જો કે હજી સુધી તેમને ઝડપી શકાયા નહોતા.