Gujarati News

Gujarati News

News of Friday, 23rd March 2018

વડોદરામાં એસએસજી હોસ્પિટલના કંપાઉન્ડમાં નવજાત બાળકીને ત્યજીને માતા-પિતા ફરાર

વડોદરા:એસએસજી હોસ્પિટના કંપાઉન્ડમાં ખુલ્લા મેદાનમાં જ કુમળા ફુલ જેવી નવજાત બાળકીને ત્યજીને મા બાપ ફરાર થઇ ગયા છે. આજે વહેલી સવારે સિક્યોરિટીનું ધ્યાન બાળકી પર પડતા પિડિયાટ્રીક વોર્ડના આઇસીયુમાં દાખલ કરી હતી પરંતુ ૧૫ જ મિનિટમાં બાળકીનું મોત થયુ હતું. પોલીસ તપાસમાં બાળકીના માતા પિતા દાહોદ જિલ્લાના હોવાની ઓળખ થઇ હતી અને બાળકીના દાદાએ મૃતદેહનો કબજો લીધો હતો.

એસએસજી હોસ્પિટલના વોર્ડ નં.૫-૬ની બહાર ખુલ્લા ભાગમાં આજે સવારે ૭ વાગ્યે કપડામાં વિંટળાયેલી એક બાળકી પડી હોવાનું કોઇએ સિક્યોરિટીને જાણ કરી હતી. સિક્યોરિટીએ બાળકીને લઇને આઇસીયુમાં દાખલ કરી હતી. બાળકીના શ્વાસ ચાલતા હોવાથી ડોક્ટરોએ તેને બચાવવા ખુબ મહેનત કરી હતી પરંતુ ૧૫ મિનિટમાં જ બાળકીનું મોત થયુ હતું.બાળકીની નાભી સાથે હજુ બર્થ કોર્ડ જોડાયેલો હતો મતલબ કે બાળકીનો જન્મ થોડા કલાકો પહેલા જ થયેલો છે અને હાથ પર બ્લુ કલરનો ક્લેમ્પ લાગાવેલો હતો. બાળકના જન્મ પછી તેની ઓળખ માટે ક્લેમ્પ લગાવામાં આવે છે એટલે પોલીસે ક્લેમ્પના આધારે બાળકીના માતા પિતાને શોધવાની કામગીરી શરૂ કરી છે.

(6:03 pm IST)
  • સંજય દત્તની અનઑફિશ્યલ બાયોગ્રાફીને લઈને તે ખૂબ જ નારાજ છે અને બહુ જલદી એના વિરુદ્ધ કાનૂની કાર્યવાહી કરશે. આ સાથે જ તેણે એ પણ કહ્યું હતું કે તેની ઑફિશ્યલ બાયોગ્રાફી બહુ જલદી રિલીઝ કરવામાં આવશે જે તથ્યો પર આધારિત હશે. તેના જીવન પર લેખક યાસીર ઉસ્માન દ્વારા ‘ધ ક્રેઝી અનટોલ્ડ સ્ટોરી ઑફ બૉલીવુડ્સ બૅડ બૉય' નામની બાયોગ્રાફી લખવામાં આવી છે. access_time 2:26 am IST

  • માનવ રોબોટ સોફિયાએ જણાવ્યુ હતુ કે, તે હવે માઉન્ટ એવરેસ્ટ સર કરશે. આ સાથે એવરેસ્ટ સર કરનાર તે પ્રથમ રોબટ બની જશે. રોબોટ સોફિયાએ કાઠમંડૂમાં સંયુક્ત રાષ્ટ્ર વિકાસ કાર્યક્રમ દ્વારા આયોજીત એક કાર્યક્રમમાં આ પ્રમાણે બોલી હતી. જો કે તે ક્યારે એવરેસ્ટ સર કરશે તેના વિશે કોઈ જાણકારી આપી નહોતી. access_time 1:43 am IST

  • રાજ્યસભા ચૂંટણી પરિણામો રાત્રે 8 કલાકે : તેલંગણા રાજ્યસભાની ત્રણે સીટ ઉપર સત્તાધારી ટીઆરએસ પાર્ટી વિજેતા: વેસ્ટ બેંગાલમાંથી તૃણમૂલ કોંગ્રેસના ચારે ઉમેદવારોનો વિજય: જયારે કોંગ્રેસના અભિષેક મનુ સંઘવી વિજેતા access_time 8:31 pm IST