News of Friday, 23rd March 2018

કઠલાલ પોલીસે પીઠાઇ રોડ પરથી બે પશુને કતલખાને લઇ જતા બચાવ્યા

કઠલાલ:પોલીસે આજે સવારે પીઠાઈ રોડ પરથી ટેમ્પામાં બે પશુઓને કતલખાને લઈને જતા શખ્સને ઝડપી પાડ્યો હતો. જ્યારે એક આરોપી ભાગી ગયો હતો. પોલીસે મૂંગા પશુ તથા ટેમ્પો મળી કુલ રૂા. ૧,૬૦,૦૦૦નો મુદ્દામાલ કબજે કર્યો હતો.
કઠલાલ પોલીસને માહિતી મળી હતી કે, પીઠાઈથી પીકઅપ ડાલુ નં. જીજે ૧૮ એડી ૧૬૦માં બે મુંગા પશુઓને કતલખાને લઈને જનાર છે જેથી કઠલાલ પોલીસે આજે સવારે સાડા છ વાગ્યાના સુમારે પીઠાઈ રોડ ઉપર વોચ ગોઠવી હતી. આ દરમ્યાન પીકઅપ ડાલુ આવી પહોંચતા તેને ઊભો રખાવી પોલીસે એક ઈસમની અટક કરી પૂછપરછ કરતા સાજીદખા અબ્બાસખા પઠાણ (રે. પીઠાઈ) હોવાનું જણાવ્યું હતું. ટેમ્પાની તલાસી લેતા ટૂંકા દોરડાથી ક્રૂરતાપૂર્વક બાંધેલા બે બળદો કિંમત રૂા. ૧૦,૦૦૦ના મળી આવ્યા હતાં.
આ ટેમ્પામાં પશુઓ માટે ઘાસચારા કે પાણીની પણ કોઈ વ્યવસ્થા ન હતી. જેથી પોલીસે બે પશુઓ તથા દોઢ લાખનો ટેમ્પો મળી કુલ રૂ. ૧,૬૦,૦૦૦નો મુદ્દામાલ કબજે કર્યો હતો. જ્યારે પશુઓને કતલખાને લઈ જવામાં સંડોવાયેલ અશરફ ઘોળી (રે. હાથીખાઈ, રખીયાલ, અમદાવાદ)ને ઝડપી પાડવા તપાસ હાથ ધરી છે. આ બનાવ અંગે કઠલાલ પોલીસે ગુનો નોંધી કાયદેસર કાર્યવાહી હાથ ધરી છે.

(6:01 pm IST)
  • રિઝર્વ બેન્કના ગવર્નર ઊર્જિત પટેલ 4-5 એપ્રિલે નાણાનીતિ સમીક્ષા માટે બેઠક યોજશે. જેમાં ગવર્નરની સાથે એમપીસીના બીજા પાંચ નિષ્ણાતો પણ ભાગ લેશે. નાણાકીય વર્ષની આ પ્રથમ બેઠક હશે, ગાવાને 4 ટકાની નજીક સ્થિર રાખવાનો પ્રયાસ કરી રહેલી રિઝર્વ બેન્કે અગાઉની નાણાનીતિની સમીક્ષામાં રેપો રેટને 6 ટકાના દરે સ્થિર રાખ્યો હતો. access_time 2:27 am IST

  • યુનિયન બેન્ક સાથેના અબજોના બેન્ક-કાંડમાં સીબીઆઇએ ઝુકાવ્યુઃ અનેક સ્થળે દરોડા ચાલુ : ટોટેમ ઇન્ફ્રાસ્ટ્રકચર લી. સામે લોન લઇ પૈસા નહિ ચૂકવવા અંગે ફરીયાદ નોંધી : ડીરેકટરો ટોટ્ટેમપુડી સલાલિય, તેની પત્નિ કવિતા, કંપની અને રોકાણકારો વિરૂદ્ધ ફરીયાદ નોંધી ઠેર-ઠેર દરોડા શરૂ કરો : બિલ્ડીંગ કોન્ટ્રાકટર રોડ-રસ્તા અને ડેમો બાંધવાનું કામ કરે છે. access_time 3:46 pm IST

  • આખરે સાંસદના ભથ્થાંમાં વધારાને મળી મંજૂરી : 1 લી એપ્રિલથી અમલમાં આવશે : એક સમયે વરુણ ગાંધીએ લોકસભાના સ્પીકર સુમિત્રા મહાજનને પત્ર લકહીને માંગ કરી હતી કે એક એવી ઝુંબેશ ચલાવવી જોઈએ, જેનાથી સમૃદ્ધ સાંસદો તેમના પગાર છોડી દે. access_time 11:10 pm IST