Gujarati News

Gujarati News

News of Friday, 23rd March 2018

વડોદરામાં પ્રધાનમંત્રી આવાસ યોજનામાં લાભાર્થીઓ દ્વારા હંગામોઃ બિલ્ડર હાજર ન હોવાથી મહિલાઓમાં રોષ ભભૂક્યો

વડોદરાઃ વડોદરામાં પ્રધાનમંત્રી આવાસ યોજનામાં મહિલાઓએ હંગામો મચાવીને રોષ વ્‍યક્ત કરતા દોડધામ મચી ગઇ  હતી.

શહેરના વારસિયા નજીક આવાસ યોજનામાં કૌભાંડ મામલે થયેલી અરજીને લઈને હાઈકોર્ટે બાંધકામ રોકવાનો આદેશ કર્યો છે. વારસિયા રિંગ રોડ પર સંજયનગર વસાહતના 2 હજાર જેટલા કાચા પાકા મકાનો દોડી દેવાયા હતા. જ્યા પ્રધાનમંત્રી આવાસ યોજના હેઠળ નવા મકાનો બનાવવામાં આવી રહ્યા છે. ત્યારે યોજનામાં કૌભાંડ થતો હોવાના આક્ષેપ સાથે સામાજીક કાર્યકર દ્વારા હાઈકોર્ટમાં અરજી કરવામાં આવી હતી. અરજીમાં રજૂઆત કરાઈ છે કે, આવાસ યોજનાની જગ્યાનો અમુક ભાગ ભિક્ષુકો માટે રાખવામાં આવ્યો હતો. પરંતુ તે જમીન ભિક્ષુકોને ફાળવાઈ નથી. તેના કારણે તેમણે ઘરવિહોણા થવાનો વારો આવ્યો હતો. તંત્ર દ્વારા તેમને નિયમત ભાડુ પણ ચુકવાતું નથી. સાથે આક્ષેપ કરાયો હતો કે, ટેન્ડર પ્રક્રિયાનો સમય વિત્યાના 7 દિવસ બાદ ટેન્ડર પ્રક્રિયા હાથ ધરાઈ હતી. સમગ્ર મામલે હાઈકોર્ટ દ્વારા બિલ્ડરને બાંધકામ કરવા આદેશ કરાયો છે. મામલે વધુ સુનાવણી બે સપ્તાહ બાદ હાથ ધરાશે.

શહેરમાં સ્લમ ફ્રી સિટી અંતર્ગત વડાપ્રધાન અને મુખ્યમંત્રી આવાસ યોજના ચાલી રહી છે. જો કે વડોદરામાં આ યોજના અંતર્ગત 20 હજાર કરોડનું કૌભાંડ થયું હોવાનો દાવો એક સંસ્થા દ્વારા કરવામાં આવ્યો હતો. જાગો વડોદરા નામની આ સંસ્થા દ્વારા આ યોજના બંધ કરવા ઉપરાંત તેની તપાસ સીબીઆઇને સોંપવા માટેની માંગ પણ કરવામાં આવી રહી છે. આવેદન પત્ર વડાપ્રધાનને મોકલવા ઉપરાંત જિલ્લા કલેક્ટરને પણ આપવામાં આવ્યું હતું. આ કૌભાંડ મામલે જાહેરહિતની અરજી કરવામાં આવી હતી.

(5:36 pm IST)
  • મહારાષ્ટ્રમાં હવે ઉંદર કૌભાંડ : એક અઠવાડીયામાં કાગળ ઉપર જ ૩.૧૪ લાખ ઉંદરો મારી નાખ્યા access_time 5:42 pm IST

  • રિઝર્વ બેન્કના ગવર્નર ઊર્જિત પટેલ 4-5 એપ્રિલે નાણાનીતિ સમીક્ષા માટે બેઠક યોજશે. જેમાં ગવર્નરની સાથે એમપીસીના બીજા પાંચ નિષ્ણાતો પણ ભાગ લેશે. નાણાકીય વર્ષની આ પ્રથમ બેઠક હશે, ગાવાને 4 ટકાની નજીક સ્થિર રાખવાનો પ્રયાસ કરી રહેલી રિઝર્વ બેન્કે અગાઉની નાણાનીતિની સમીક્ષામાં રેપો રેટને 6 ટકાના દરે સ્થિર રાખ્યો હતો. access_time 2:27 am IST

  • યુનિયન બેન્ક સાથેના અબજોના બેન્ક-કાંડમાં સીબીઆઇએ ઝુકાવ્યુઃ અનેક સ્થળે દરોડા ચાલુ : ટોટેમ ઇન્ફ્રાસ્ટ્રકચર લી. સામે લોન લઇ પૈસા નહિ ચૂકવવા અંગે ફરીયાદ નોંધી : ડીરેકટરો ટોટ્ટેમપુડી સલાલિય, તેની પત્નિ કવિતા, કંપની અને રોકાણકારો વિરૂદ્ધ ફરીયાદ નોંધી ઠેર-ઠેર દરોડા શરૂ કરો : બિલ્ડીંગ કોન્ટ્રાકટર રોડ-રસ્તા અને ડેમો બાંધવાનું કામ કરે છે. access_time 3:46 pm IST