Gujarati News

Gujarati News

News of Tuesday, 23rd February 2021

રેન્જ આઇજી અભય ચુડાસમાની પોલીસ અધિકારીઓની સાથે મિટિંગ

અરવલ્લી એલસીબી દારૂ કાંડની તપાસનો ધમધમાટ : અરવલ્લી એલસીબી કારમાં દારૂ વેચવા નીકળી હોવાનો પર્દાફાશ થતા સમગ્ર ગુજરાતભરમાં ચકચાર મચી ગઈ

મોડાસા, તા. ૨૩ : શુક્રવારે અરવલ્લી એલસીબી કારમાં દારૂ વેચવા નીકળી હોવાનો પર્દાફાશ થતા સમગ્ર રાજ્યમાં ચકચાર મચી હતી જેને લઈ રેન્જ આઇજી અભય ચુડાસમાએ અરવલ્લી એલસીબી દારૂ કાંડની તપાસ અંગે સીટની રચના કરી સાબરકાંઠા ડીવાયએસપી સૂર્યવંશીને સોંપ્યા બાદ ખુદ રેન્જ આઈજી અરવલ્લી પોલીસ ભવનમાં દોડી આવ્યા હતા અને જિલ્લા એસપી સંજય ખરાત અને પોલીસ અધિકારીઓ સાથે બેઠક યોજી હતી. બીજીબાજુ પોલીસસુત્રો પાસેથી પ્રાપ્ત ચૂંટણી અનુસંધાને પણ રેન્જ આઈજીએ મુલાકાત કરી હોવાનું જણાવ્યું હતું

શુક્રવારે ગાજણ નજીકથી ટ્રકમાંથી મોટી માત્રામાં વિદેશી દારૂ ઝડપી લીધા પછી કાયદેસરની કાર્યવાહી કરવાના બદલે એલસીબીને દારૂ વેચવાનો શોખ જાગ્યો હતો મોડાસા રૂરલ પોલીસ સ્ટેશન હદ વિસ્તારમાં ઝડપાયેલ દારૂ રૂરલ પોલીસ સ્ટેશન લઈ જવાને બદલે એલસીબી કચેરી ખાતે લાવી કેટલીક પેટીઓ ઓફીસની જુદીજુદી રૂમોમાં ઉતારી અને કેટલીક ખાનગી નંબર વગરની ૫ણ વહીવટદારની કારમાં ભરી પહોંચાડવા તજવીજ હાથ ધરી.પરંતુ પાપનો ઘડો છલકાયો હોય એમ કાર પલ્ટી અને મોટું રેકેટ ઝપાડયું હતું જેમાં એલસીબી પીઆઈ આર કે પરમાર,વહીવટદાર શાહરુખ અને પોલીસકર્મી સામે ગુન્હો નોંધાયો હતો એસપી સંજય ખરાતે ત્રણ પોલીસકર્મીઓને સસ્પેન્ડ કરી દીધા હતા જ્યારે પીઆઇ આર કે પરમાર,પોલીસ કર્મી અતુલ ભરવાડ અને વહીવટદાર શાહરુખ પોલીસ પકડથી દૂર છે રેન્જ આઈજી અભય ચુડાસમાએ સોમવારે અરવલ્લી એસપી કચેરીમાં આવેલ એલસીબી ઓફિસની મુલાકાત લીધી હતી અને અરવલ્લી એસપી તેમજ જીલ્લાના પોલીસ અધિકારીઓ સમગ્ર તપાસ અને દિશાનિર્દેશ આપી ઝીણવટભરી તપાસના આદેશ આપ્યા હતા.

(7:44 pm IST)
  • સુરતમાં ૧૨૦ બેઠકમાંથી ભાજપ ૫૫ બેઠક ઉપર જીત મેળવી ચૂકયુ છે : ૧૯ બેઠકમાં આગળ છે : ‘આપ’ પાર્ટીએ ૨૫ બેઠક મેળવી ભાજપના પગે પાણી લાવી દીધા : ગજબની રસાકસી : કોંગ્રેસનું નામો નિશાન ભૂંસાઈ ગયું : પાટીદાર ફેક્ટરે મોટો અપસેટ સર્જયો access_time 4:45 pm IST

  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST