Gujarati News

Gujarati News

News of Tuesday, 23rd February 2021

ફાંસી આપ્‍યા બાદ તે દોરડાનું તાવીઝ બનાવીને નાટા મલ્લિક નામનો જલાદ વેચતોઃ દમ જેવી મોટી બિમારીથી મુક્‍તિ મળતી હોવાની માન્‍યતા

અમદાવાદઃ નિર્ભયાના 4 ગુનેગારોને ફાંસી આપવાવાળા જલ્લાદ પવન ફરી એક વખત ચર્ચામાં આવ્યા છે. અમરોહાની શબનમને ફાંસીની સજા મળી છે. પ્રેમમાં આંધડી થઈને સબનમે તેના પરિવારના 7 સભ્યોની હત્યા કરી હતી. હવે તેને ગમે તે સમયે ફાંસી આપવામાં આવશે. શબનમને ફાંસી આપવાની જવાબદારી મેરઠના પવન જલ્લાદને આપવામાં આવી છે. ભારતમાં બે જ જલ્લાદ પરિવાર છે. પહેલા પવનકુમાર અને બીજા પશ્ચિમ બંગાળના બાબુ અહમદ.

ફાંસી પર ચઢાવવાનું હતું વારસાગત કામ

2000ના વર્ષમાં નાટા મલ્લિક પશ્ચિમ બંગાળ રાજ્યના ફેમસ જલ્લાદ હતા. તે મૂળ કોલકત્તાના રહેવાસી હતા.તેમના માટે કોઈને ફાંસીએ ચડાવવું તે વારસાગત કામ હતું. બ્રિટિશ રાજમાં નાટાના પિતાએ 500થી પણ વધારે લોકોને ફાંસી પર લટકાવ્યા હતા જેમાં સૈથી વધુ બંગાળી ક્રાંતિકારી હતા. નાટાના દાદાએ પણ કેટલાય લોકોને ફાંસી આપી હતી.

આટલો મળતો હતો પગાર

વેસ્ટ બંગાળ સરકાર નાટા મલ્લિકને 10 હજાર રૂપિયા પગાર આપતી હતી. આ ઉપરાત નાટાને દરેક ફાંસી પર 5000થી 10000 રૂપિયા મળતા હતા.

ફાંસીના દોરડા માટે ઘર આગળ લાગતી હતી લાઈન

નાટાએ તેની 25મી ફાંસી અલીપુર જેલમાં ધનંજય ચેટર્જીને 14 ઓગસ્ટ 2004માં આપી હતી. તમને જણાવી દઈએ કે જે દોરડાથી ગુનેગારને ફાંસી પર લટકાવવામાં આવતો હતો તે દોરડાના નાના-નાના ટૂકડા લેવા માટે નાટા જલ્લાદના ઘરે લોકોની ભીડ ઉમટી પડતી હતી. સાંભળવામાં આ ભલે અટપટું લાગે પરંતુ આ સત્ય છે.

દોરડાનું તાવીઝ બનાવીને વેચતો હતો નાટા મલ્લિક

દોરડાનું તાવીઝ બનાવીને વેચતો હતો નાટા મલ્લિક. ગુનેગારને ફાંસી પર લટકાવ્યા બાદ તે દોરડાને ઘરે લઈ જતો હતો. આ દોરડાના ટૂકડાઓમાં તાવીઝ બનાવીને વેચતો હતો. આવી રીતે તાવીઝ વેચીને નાટા હજારો રૂપિયા કમાયા. લોકોનું માનવું હતું કે ફાંસીના દોરડાથી દમ જેવી મોટી બિમારીઓથી મુક્તિ મળે છે. નાટાએ તેના ઘરની બહાર ફાંસીની ગાંઠ બનાવીને લટકાવી રાખી હતી.

ફાંસીના દોરડામાં હોય છે ઔષધિય ગુણ

નાટા મલ્લિક માનતો હતો કે ફાંસી પહેલા આ દોરડા પર સાબુ, કેળા, ઘી લગાવવમાં આવે છે જેના કારણે તેમાં ઔષધિય ગુણો આવી જાય છે. નાટાનું કહેવું હતું કે તેમની પાસે આવેલા જેટલા પણ દર્દીઓએ તાવીઝ પહેર્યું છે તે એકદમ સ્વસ્થ થયા છે. આવું કરવાવાળા નાટા મલ્લિક પ્રથમ જલ્લાદ ન હતા નાટાના દાદા પણ આવી જ રીતે તાવીઝ બનાવીને આપતા હતા.

(5:47 pm IST)
  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST

  • મતદારોએ આખે આખી પેનલો વીજયી બનાવીઃ નવી પેટર્ને આશ્ચર્ય સર્જયુઃ એક પણ વોર્ડમાં ક્રોસ વોટીંગ નહી! access_time 3:58 pm IST

  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST