Gujarati News

Gujarati News

News of Tuesday, 23rd February 2021

સુરતના કાપોદ્રા સહીત ડિંડોલી વિસ્તારમાં બે જુદા જુદા શખ્સોએ અગમ્ય કારણોસર જીવનલીલા સંકેલતાં અરેરાટી

સુરત; શહેરમાં કાપોદ્રા અને ડિંડોલી વિસ્તારમાં બે યુવાને આત્મહત્યા કરી જીવન ટૂંકાવ્યું હતું.સ્મીમેર હોસ્પિટલથી મળેલી વિગત મુજબ કાપોદ્રા વિસ્તારના વિશાલ નગર સોસાયટીમાં રહેતા 36 વર્ષીય અનિલભાઈ તિવારી સોમવારે બપોરે ઘરના ત્રીજા માળેથી નીચે છલાંગ મારી હતી. જેમાં તેમને ગંભીર ઈજા થતા 108 એમ્બ્યુલન્સમાં સારવાર માટે સ્મીમેર હોસ્પિટલમાં ખસેડાયા હતા, જ્યાં ફરજ પરના ડોક્ટરે તેમને મૃત જાહેર કર્યા હતા. 

જોકે છેલ્લા કેટલાક સમયથી માનસિક બીમારીથી પીડાતા હોવાથી આ પગલું ભર્યું હોવાનું પોલીસે કહ્યું હતું. આ અંગે કાપોદ્રા પોલીસે તપાસ હાથ ધરી છે.

બીજા બનાવમાં ડિંડોલીમાં અંબિકા પાર્ક પાસે તિરુપતિ રો હાઉસમાં રહેતો 26 વર્ષીય હર્ષદ જીતેન્દ્રભાઈ સોલંકી કેટલા કેટલાક સમયથી ટેન્શનમાં રહેતા હોવાથી ગત તારીખ 16 મીએ ઘરે એસિડ ગટગટાવી ગયો હતો. જેથી તેને સારવાર માટે સ્મીમેર હોસ્પિટલમાં દાખલ કર્યો હતો, જ્યાં ગઈકાલે બપોરે તે મોતને ભેટ્યો હતો. આ અંગે પોલીસે તપાસ આદરી છે.

(4:59 pm IST)
  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST

  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST

  • અમિતભાઈ શાહ અત્‍યારે ૩:૩૦ વાગ્‍યાની આસપાસ અમદાવાદ આવી પહોંચ્‍યા છે : સાંજે ૭ વાગ્‍યે ખાનપુર કાર્યાલય ખાતે ભાજપના વિજયોત્‍સવમાં તેઓ જોડાશે તેમ મનાય છે : આ વિજયોત્‍સવમાં વિજયભાઇ રૂપાણી તથા સી.આર.પાટીલ પણ ભાગ લેશે access_time 4:13 pm IST