Gujarati News

Gujarati News

News of Saturday, 23rd January 2021

પાંજરાઓ ગોઠવીને બે દીપડાંને ઝડપી લેવાયા

ખડકી ગામે દીપડાના આંટાફેરા

વલસાડ, તા.૨૩ : વલસાડના પારડી નજીક ખડકી ગામે છેલ્લા કેટલાક દિવસોથી બે દીપડાના આંટાફેરા વધી જતા ગામવાસીઓમાં ફફડાટ હતો. જો કે શુક્રવારે મધરાતે દીપડાને પકડવા વન વિભાગે મુકેલા પાંજરામાં બે દીપડાને પકડવામાં સફળતા મળી હતી.

પ્રાપ્ત વિગતો મુજબ ખડકી ગામમાં દીપડો આંટાફેરા કરતો હોવાનું તેમજ બે દિવસ પૂર્વે એક વાછરડીનું મારણ કર્યું હોવાની જાણ ગામના સરપંચે વન વભાગને કરી હતી. વન વિભાગની ટીમે સીસીટીવી કેમેરા સર્વેલન્સની મદદથી દીપડો બંધ ક્વોરી પાસે દેખાયો હોવાનું જણાયા ત્યાં પાજંરુ ગોઠવ્યું હતું. ગત રાત્રે દીપડાને પકડવા માટેના પાંજરામાં તે પુરાઈ ગયો હતો.

બે અલગ અલગ સ્થળે મૂકાયેલા પાંજરામાં બે દીપડા પકડતા વનવિભાગ અને ખેડૂતોએ રાહત નો દમ લીધો હતો.

(8:15 pm IST)
  • ધો.૯ અને ૧૧ના વર્ગો શરૂ થઈ શકે છે : ભુપેન્દ્રસિંહજીએ આપ્યા સંકેત : શિક્ષણમંત્રી ભુપેન્દ્રસિંહજી ચુડાસમાએ જણાવ્યુ હતું કે આગામી દિવસોમાં ધો.૯ અને ૧૧ના વર્ગો પણ શરૂ થઈ શકે છે : હાલ ધો. ૧૦ અને ૧૨ની શાળાઓમાં શિક્ષણકાર્ય ચાલુ છે અને શાળાઓ હાલ નોર્મલ જેવી સ્થિતિ જોવા મળી રહી છે : આ અંગે ૨૭મીએ ચર્ચા - વિચારણા કરવામાં આવશે access_time 12:17 pm IST

  • કોરોના કેસોમાં, દેશમાં કેરળ અને મહારાષ્ટ્ર સતત ટોચ ઉપર : છેલ્લા ૨૪ કલાકમાં કેરળમાં ૭ હજાર આસપાસ અને મહારાષ્ટ્રમાં ૩૦૦૦ આસપાસ નવા કોરોના કેસ નોંધાયા : આસામમાં સૌથી ઓછા ૧૭, હિમાચલમાં ૪૧, ગોવામાં ૭૦, ઝારખંડ ૭૫, જમ્મુ અને કાશ્મીર ૮૮, ઉત્તરાખંડ ૧૧૦ કેસ નોંધાયા છે : ૪૫૧ નવા કેસ સાથે દેશભરમાં ગુજરાત છઠ્ઠા નંબરે access_time 11:33 am IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST