Gujarati News

Gujarati News

News of Saturday, 23rd January 2021

નાંદોદ ના રીગણી પાસે હાઈવા ટ્રકે બાઈક સવાર GRD જવાનને અડફ્ટમાં લેતા ઘટના સ્થળે જ મોત

GRD જવાન રાજપીપળા નોકરી પુરી કરી પરત ઘરે જતા અકસ્માત થયો,અકસ્માત બાદ હાઈવા ચાલાક ટ્રક મૂકી ફરાર,ઉશ્કેરાયેલા લોકોએ ટ્રકને આગ લગાડતા ફાયર બ્રિગેડ દોડ્યું

(ભરત શાહ દ્વારા) રાજપીપળા : નર્મદા જિલ્લાના નાંદોદ તાલુકાના રીંગણી ગામ નજીક આજે સવારે એક હાઈવા ટ્રકે મો.સાં.લઈ જતા GRD જવાન ને અડફ્ટ માં લેતા તેનું ઘટના સ્થળે જ મોત નીપજ્યું હતું.

પ્રાપ્ત માહિતી અનુસાર આમલેથા પો.સ્ટે.માં કનુભાઈ જેઠાભાઇ વસાવા એ આપેલી ફરિયાદ મુજબ તેમનો ભાઈ નિલેશ જેઠાભાઇ વાસવા રાજપીપળાથી પોતાની GRDની ફરજ પુરી કરી પરત નવાગામ પોતાના ઘરે મો.સા.ઉપર આવતો હતો એ સમયે ખામર તરફથી પુરપાટ રેતી ભરી આવી રહેલી હાઈવા ટ્રક નં. જી.જે.21.વી.1319 ના ચાલકે GRD ની મો.સા.ને ટક્કર મારતા નિલેશ વસાવા નું ઘટના સ્થળે જ કમકમાટીભર્યું મોત થયું હતું.અકસ્માત કરી ટ્રક ચાલાક ટ્રક ઘટના સ્થળે મૂકી નાસી ગયો હતો.આમલેથા પોલીસે ટ્રક ચાલાક વિરુદ્ધ ગુનો નોંધી તપાસ હાથ ધરી છે.

બોક્ષ :- અકસ્માત માં એક GRD જવાન નું મોત નિપજાવી ટ્રક મૂકી ચાલાક નાસી ગયો હોય લોકોમાં આ મોત ના કારણે ભારે આક્રોશ જોવા મળતા ટ્રક ને આગ લગાડતા રાજપીપળા થી ફાયર બ્રિગેડ ત્યાં ઘટના સ્થળે પહોંચી આગ પર કાબુ મેળવ્યો હતો.જોકે આ બાબતે પોલીસ ફરિયાદ માં કોઈ ઉલ્લેખ નથી પરંતુ સૂત્રો ના જણાવ્યા મુજબ અકડાયેલા લોકો એ ટ્રકમાં આગ લગાડતા ફાયર બ્રિગેડ દોડ્યું હતું.

(12:51 am IST)
  • સુરેન્દ્રનગરમાં સ્થાનીક સ્વરાજ્યની ચૂંટણી પહેલા ભાજપમાં ભંગાણઃ મુળી તાલુકામાં કોંગ્રેસનું જનજાગૃતિ અભિયાન, ઉમરડા ગામના સરપંચ સહિત ૧૦૦ કાર્યકરો કોંગ્રેસમાં જોડાયા, ધારાસભ્ય ઋત્વિક મકવાણાએ કાર્યકરોને કોંગ્રેસનો ખેસ પહેરાવી સ્વાગત કર્યું access_time 12:53 pm IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 14,198 કેસ નોંધાયા :કુલ કેસની સંખ્યા 1,06,54,744 થઇ :એક્ટિવ કેસ 1,82,205 થયા: વધુ 14,675 દર્દીઓ સ્વસ્થ થતા કુલ 1,03,14 ,738 થયા :વધુ 144 લોકોના મોત સાથે કુલ મૃત્યુઆંક 1,53,365 થયા access_time 12:51 am IST