Gujarati News

ગાંધીનગરઃ આજે નવા ચૂંટાયેલા ધારાસભ્યોની શપથવિધિને લઈ તમામ ધારાસભ્યોએ હાજર રહ્યા છે. ત્યારે નાયબ મુખ્યમંત્રી નીતિનભાઈ પટેલે મીડિયા સાથે વાતચીત કરી હતી. જેમાં તેમણે ખેડૂતોને મળનારા સિંચાઈ માટેના પાણીથી લઈને 'પદ્માવત' વિવાદ અંગે વાતો કરી હતી. શ્રી નીતિનભાઈ પટેલે ખેડૂતોને સિંચાઈનું પાણી આપવા અંગે જણાવ્યું હતું કે, ખેડૂતોને ૧૫ માર્ચ સુધી સિંચાઈ માટે નર્મદાનું પાણી આપવામાં આવશે. ગુજરાત સરકાર ખેડૂતો માટે કામ કરે છે. ં  તેમણે સંજય લીલા ભણશાલીની વિવાદાસ્પદ ફિલ્મ 'પદ્માવત' અંગે વાત કરતા કહ્યું કે, ગુજરાત સરકારે ફિલ્મ 'પદ્માવત' રીલિઝ પર પ્રતિબંધ મુકયો છે. પરંતુ સુપ્રીમ કોર્ટના ચૂકાદાને કારણે ફિલ્મ રીલિઝ કરવી પડે એવી સ્થિતિ છે, ત્યારે સિનેમા માલિકોએ સ્વયંભૂ  'પદ્માવત' રીલિઝ ના કરવાના નિર્ણય સ્વીકારું છું.