Gujarati News

અમદાવાદ :રાજ્યમાં માવઠાંની સ્થિતિ દૂર થયા બાદ હવે ઠંડી પડવાની આગાહી હવામાન ખાતાએ કરી છે . હવામાન ખાતાએ કહ્યું છે કે ૨4 કલાક બાદ આગામી ત્રણ થી ચાર દિવસ સુધી લઘુત્તમ તાપમાનમાં ૨ થી 4 ડિગ્રીનો ઘટાડો થશે . મતલબ આવતીકાલ સોમવારથી ઠંડીનો રાઉન્ડ શરૂ થાય તેવી શક્યતા છે .

માવઠાંના કારણે વરસાદ અને વાદળછાયા વાતાવરણ બાદ હવે શિયાળાની આકરી ઠંડી શરૂ થાય તેવી આગાહી હવામાન ખાતાએ કરી છે . રાજ્યના મોટાભાગના શહેરોમાં આજે લઘુત્તમ તાપમાન 20 ડિગ્રીથી ઉપર નોંધાયું હતું . એકમાત્ર નલિયામાં 18 . 6 ડિગ્રી ઠંડી નોંધાઈ હતી . ઉલ્ટાનું રાજ્યના પાંચ શહેર સુરત , વલસાડ , દમણ , વેરાવળ અને મહુવામાં 35 ડિગ્રીથી ઉપર પારો નોંધાયો હતો . તેના કારણે લોકોએ ઉનાળા જેવી ગરમીનો અહેસાસ કર્યો હતો . જ્યારે 16 શહેરોમાં 30 ડિગ્રીથી માંડીને 34 ડિગ્રી મહત્તમ તાપમાન નોંધાતા લોકોએ ગરમીથી અકળાયા હતા . અલબત્ત હજુ પણ મોડી રાત્રે અને વહેલી સવારે ઠંડીનો ચમકારો અનુભવાય છે .